-दिनेश गौतम

प्रचण्ड रोग लागेको छ देशमा
कंशहरु आउछन रामचन्द्रको भेषमा
बैद्यलाई झारफुक गर्नैआउदैन
डाक्टरले बिरामी जाच्नै पाउदैन

दाह्री मात्र सेतो छ येहा
मन भने पुरै कालो छ
सुशील नेता त को छन् र येहा
दिमागभरी कुबिचारको जालो छ

माधवहरु पानीटंकीमा पैसा खनाउने
झलहरु झलमल्ल ठुल्ठुलो महल बनाउने
उपेंद्रहरुको मुखभरी बिहारी पान गनाउने
सुजाता भनौदिहरु 'रुबेल ज्वाई'को जीउ कनाउने

अरु पनि हजार छन् यहाँ चोरहरु
लेखेर कहाँ सकिन्छ र
हामीजस्ता गरिब जनताको बिन्तिले
अशान्ति कहाँ रोकिन्छ र

गरिबको रगतले नेताहरु नुहाकै छन्
जनताहरु भोकभोकै बसी यीनलाई टन्न खुवाकै छन्
आदि जनता आन्दोलन गर्ने
आदि चाही भोकभोकै मर्ने
देशलाई ठुलो रोग लागेकै रहेछ
नेपाली सबै मिलेर उपचार गर्ने कि नगर्ने?