भिडियो समाचार हेर्न यहाँ र यहाँ हेर्नुहोला
सम्बन्धित समाचार:  को होलान ति युवा, लुम्छा दुर्घटनामा जो यसरी बाँचे
                           गुल्मीमा १३ जनाको ज्यान जाने गरी भएको दुर्घटनाको भिडियो र फोटोहरु

जनार्दन घिमिरे
गुल्मी, २४ भदौ । गुल्मीको सदरमुकाम तम्घासवाट काठमाण्डौंको लागि छुटेको लु १ ख ५५८३ नम्वरको यात्रुवाहक वस आज विहान गुल्मीकै हर्दिनेटा गाविस ६ मा दूर्घटना हुँदा १३ जनाको मृत्यू भएको छ भने अन्य थप २९ जना भन्दा वढी घाईते भएका छन् । विहान सदरमुकाम तमघासवाट ५ वजे २४ जना यात्रुहरु लिएर हिडेको उक्त डाँक वस सदरमुकाम तम्घासवाट करिव ७ कोष टाढा हर्दिनेटा गाविसको लुम्छा नजिकै सेल गैरा भन्ने स्थानमा दुर्घटना भएको हो । दुर्घटनामा ११ जना यात्रुको घटना स्थलमै र थप २ जनाको मिसन अस्पताल पाल्पामा उपचारको क्रममा मृत्यु भएको जिल्ला प्रहरी कार्यालय गुल्मीले जनाएको छ ।
दूर्घटनामापरि मृत्यु हुनेहरुमा गुल्मी अर्खले गाविस ६ निवासी टेमलाल पाण्डे, गुल्मी विरवास ८ का टेक बहादुर सोमरे, दरवारदेविस्थान ३ निवासी हरिकला अर्याल, तम्घास गाविस १ निवासी बिस्नु प्रसाद पन्थी, गुल्मी पिपलधाराकि लक्ष्मी खनाल, जैसिथोककि लक्ष्मी खड्का, तम्घास ३ कि छमकला कुवर, निरज कुवर, गुल्मी दुविाचौर ९ का श्री थापा, गुल्मी अर्खले गाविस ७ निवासी राजन गौतम अर्खले ७, अर्घाखाची भगवती २ का लालकुमार श्रेष्ठ, अर्घाखाँची मरेङ्ग ५ का ङण बहादुर क्षत्री र अर्घाखाँची वाङ्गला निवासी चन्दा भुुसाल रहेका छन् । “वस तिव्र गतिमा थियो ट्रकलाई साईट दिने क्रममा दूर्घटना भयो, वस खसेपछि म विचैमा खसेछु, धन्न वाचिएछ,” स्नातक प्रथम वर्षमा पढ्न भनेर काठमाण्डौं हिँडेका गुल्मी भनभनेका घाईते शन्देस पन्थीले भने ।
मृतकहरु मध्य सवैको पोष्टमार्टम गरि उनीहरुका आफन्तहरुलाई शव जिम्मा लगाई सकिएको जिल्ला प्रहरी कार्यालय गुल्मीका निमित्त जिल्ला प्रहरी प्रमुख जितेन्द्र कुमार वस्नेतले जानकारी दिनु भएको छ । तिव्र गतिमा रहेको उक्त वस ट्रकलाई ओभरटेक गरेलगत्तै सडकमा विपरीत दिशावाट आईरहेको मोटरसाईकललाई साईड दिने क्रममा दुर्घटना भएको प्रत्यक्षदर्शीले जानकारी दिएका छन् । वस सडकवाट करिव ४ सय मिटर तल जंगलको खोँचमा खसेको थियो । घाईतेहरुको अहिले पाल्ल्पा स्थित मिसन अस्पताल र लुम्विनि मेडिकल कलेज प्रवासमा उपचार भैरहेको छ । घाईते मध्य ४जनाको अवस्था गंभिर रहेको वताईएको छ । मृतकका शवहरुलाई आजै गुल्मीको पवित्र तिर्थस्थल रिडीमा सामुहिक रुपमा दाहसंस्कार गरिएको छ ।
घटनापछि आज गुल्मी जिल्ला शोकमग्न वनेको छ । यसै घटनालाई लिएर आज गुल्मी उद्योग वाणिज्य संघद्वारा आज जिल्लाका सम्पूर्ण उद्योग व्यवसाय तथा कलकारखाना वन्दको घोषणा गरेको छ ।