हङकङ, २५ सेप्टेम्बर । हङकङ स्थित युन लोङको नाम पिन वाइमा आइतवार राति भएको ग्याङ फाइटमा गुल्मीका एक युवा मारिएका छन ।
स्थानिय दुई नेपाली समूहबीच राति करीव पौने १० बजेतिर झडप भएको थियो । घरेलु हतियार प्र्हार पश्चात घाँटी र छातिमा गहिरो चोट लागेर गम्भीर घाइते भएका गुल्मी घर भई बुवा-आमाका साथ हङकङमा बसोबास गर्दै आएका १९ वर्षीय अनुप थापाको अस्पताल लगेको एक घण्टापछि मृत्यु भएको थियो।

झडपपछि घाइते भएका एक नेपाली युवकलाई अस्पताल लगिदै। तस्विर सौजन्यः एप्पल डेली

दुई पक्षबीच भएको भिडन्तमा अरु दुईजना युवक पनि घाइते भएको एप्पल डेलिले जनाएको छ । उनीहरुको चुन मुन अस्पतालमा उपचार भइरहेको जनाईएको छ । घाईतेहरुको नाम सार्वजनिक नगरिए पनि एक जना २० वर्षीय मगर र अर्को २५ वर्षीय गुरुङ रहेको एप्पल डेलीले जनाएको छ।

पारिवारिक स्रोतको भनाई उदृत गर्दै एप्पल डेलीले लेखेको छ- अनुप नेपाल गएर करीव ३ महिनाअघि मात्र हङकङ फर्किएका थिए । उनी आफ्ना परिवारसंग युके (बेलायत) जाने तयारी गर्दै थिए ।

समाचार स्रोतका अनुसार करीव २० जना साथीहरुसंग बास्केट बल कोर्टमा रहेका बेला अर्को समूहले एक्कासी अनुपलगायत उनका साथीहरुमाथि आक्रमण गरेका थिए।

घटनामा संलग्न रहेको आशंकामा प्रहरीले २० देखि २५ वर्षसम्मका ५ जना युवकहरुलाई पक्राउ गरेको छ।

प्रहरीले हत्या र आक्रमणमा प्रयोग भएका छुरा, घन, कैची, सीसाका फुटेका बोटलहरु तथा फलामका रडहरु बरामद गरेको जनाईएको छ। त्यसै गरी, प्रहरीले घटनास्थलमा जडान गरिएको सीसीटिभी फुटेजको अध्ययन गरिरहेको जनाइएको छ।

एप्पल डेलीमा प्रकाशित अनुप थापाको फाइल तस्विर

छोरा गुमाएपछि शोकमा डुबेका अनुपका बुबा (भूईंमा बसेको)

मृतक अनुप थापाको फाइल तस्विर

घटनास्थलको अनुसन्धान गर्दै हङकङ प्रहरी।

हत्यामा प्रयोग भएका हतियार लगिदै सादा पोशाकका प्रहरीहरु।

एचके नेपाल डट नेटको सहयोगमा