मण्डेलाको श्रद्धाञ्जली सभामा परराष्ट्रमन्त्री जाने, तीन दिनसम्म राष्ट्रिय झन्डा आधा झुकाइने
Published on
8:49:00 PM //
काठमाडौं, मंसिर २२ - सरकारले दक्षिण अफ्रिकाका पूर्वराष्ट्रपति नेल्सन मण्डेला निधनप्रति श्रद्धाञ्जली व्यक्त गर्दै मंसिर २३ देखि २५ गतेसम्म तीन दिन राष्ट्रिय झण्डा आधा झुकाउने निर्णय गरेको छ ।
मन्त्रिपरिषद्को शनिबार साँझ बसेको बैठकले तीन दिनसम्म सरकारी कार्यालय र विदेशस्थित कुटनीतिक नियोगमा राष्ट्रिय झन्डा आधा झुकाउने र कुनै पनि सरकारी औपचारिक समारोह नगर्ने निर्णय गरेको छ । बैठकले मंसिर २५ गते दक्षिण अफ्रिकामा हुने श्रद्धाञ्जली सभामा सरकारका तर्फबाट गृह एवं परराष्ट्र मन्त्री माधवप्रसाद घिमिरेको नेतृत्वमा एक प्रतिनिधिमण्डलले भाग लिने समेत निर्णय भएको छ ।
बैठकले मण्डेलाको निधनप्रति श्रद्धाञ्जली अर्पण गरेको छ । ९५ वर्षीय मण्डेलाको शुक्रबार निधन भएको थियो ।
![](https://blogger.googleusercontent.com/img/b/R29vZ2xl/AVvXsEisFvNIJvBrVqv2-nMDpk2_dC9wlG-lRrZeNNwUY16aefutEnaFYDVfWqum-9p6HtCM4k4AiR7y0M152PAQ6SRQlVOreNQ5sIJ-gIFECUC1UYOxabfQG2cI2hruGN0LuCB2tWyRatGZP00/s320/Madhab_Prasad_Ghimire.jpg)
बैठकले मण्डेलाको निधनप्रति श्रद्धाञ्जली अर्पण गरेको छ । ९५ वर्षीय मण्डेलाको शुक्रबार निधन भएको थियो ।
0 प्रतिकृयाहरु