चन्द्र दाजु ,नमस्ते /
दाई, हजुरको विजयले हामी गुल्मेली जनताका आशा र सपना ह्वात्तै बढेका छन् /आफु जितेको क्षेत्र मात्र हैन समग्र मा गुल्मीका सबै क्षेत्र र यसको आसपासको स्पर्श जोडिएको स्थानमा भएका सबै जनताको मनमा अब केहि राम्रो अवश्य हुनेछ भन्ने आशा जागृत भएको छ /निरन्तरताको प्रयाशपछिको हजुरको कार्यकाल पार्टीमा निर्वाह गरेको शिक्षा बिभागले भन्दा पनि भौतिक निर्माण तथा यातायात तिरको क्याबिनेट सम्हालेमा हामी बढी खुशी हुनेछौं / केहि गरि शिक्षा क्षेत्रकै सम्हाल्न परेछ भने पनि गुल्मीको तिनै क्षेत्रमा केन्द्रिय स्तरका व्यवशायिक क्याम्पस र पोलिटेक्निक कलेज खोल्ने ,बिद्यालयहरुको स्तर सुधार गर्नुपर्छ / साथै बर्खायाम मा ,बन्द हड्तालमा र आपतकालीन उपचार र सेवाको लागि बिमानस्थल अनिबार्य छ / अत्यन्त सुविधाजनक बिमान स्थल बन्यो भने त्यो व्यस्त हुनेछ / समग्र गुल्मी ,पाल्पा ,अर्घाखाँची ,पश्चिम स्यांग्जा ,पुर्बी प्युठान र दक्षिण बाग्लुंग सबैले उक्त बिमान स्थल प्रयोग गर्नेछन / यसबाट तम्घास आसपास र गुल्मीको जनजीवन उस्किने छ / धार्मिक र आन्तरिक पर्यटन विकास हुनेछ / चन्द्र दाई ,हामी सडकमा ठगिएका छौं -बुटवल देखि तानसेन सम्म डबल भएको बाटो तानसेन बाट तम्घास सिंगल नहुनुपर्ने ! त्यो बाटो अनिबार्य डबल गरिनुपर्छ / अझ समयको बचतको लागि चण्डी भन्ज्यांग कुरुंग खोलाको छोटो बाटो गर्यो भने खर्च पनि कम लाग्छ -दिर्घकालिन रुपमा कुरुंग खोला तिरबाट गुल्मी लगियो भने मान्छेको समय ,गाडीको इन्धन अनि ढुवानी खर्च र भाडा सबै सस्तो हुनेछ / अहिले भएको लघुवा हार्थोकको बाटो भैहाल्यो ठिकै छ बैकल्पिक सडक हुनु पनि राम्रै हो तर त्यो खण्डमा धेरै दुर्घटना भएर सुन्दर जिन्दगीहरु समाप्त भएका छन् तसर्थ यसबारे सोच्नुहोला / सबैभन्दा पिडित त रिडी रुद्रबेनी वामी टक्सार बाटो भएको छ /यो बाटो हजुरले नै पहल गरेर बनाउनु पर्छ /२०३९ सालमा जनताले श्रमदानमा खनेको बाटो हो जुन अहिले सम्म पनि जस्ताको त्यस्तै छ ,मेरो निर्बाचन क्षेत्र हैन नभन्नुहोला किनकि हजुरलाई झन्डै ११०० भोट दिने वामी गा बि स जाने बाटो हो यो /उक्त बाटो सारै समस्याग्रस्त छ -डबल गर्नुपर्छ यो बाटो ,सबै खोला नदीमा पक्कि मोटर पुल बनाउनु पर्छ , ग्रेडिंग लेन , अनि ग्रावेल र पक्कि गर्ने कार्य तुरुन्त गर्ने बातावरण मिलाउनुहोला /तम्घासबाट रेसुंगामा मोटर लैजाने कार्यले त्यहाँको बातावरण बिनास भएको छ ,जंगल मासिएको छ अनि यसको अलौकिक धार्मिक महत्व घटेर रक्शी मासुको बनभोज अखडा बनेर सामाजिक बिकृति आउन थालेको छ / त्यसैले रेसुंगालाइ संरक्षित क्षेत्र घोसणा गर्नु पर्छ /बरु तम्घासबाट केबलकार जाने सिस्टम गर्यो भने पर्यटन र मनोरंजन बाट यसको महत्व बढ्नेछ / यसको लागि निजि क्षेत्रलाई लगानीको लागि अनुरोध गर्न सकिन्छ / रुद्रबेनीबाट स्यांग्जा जोड्ने डबल पक्कि पुल अनि संगसंगै कालिगण्डकी करिडोर पनि अधिकतम गुल्मीको प्रमुख स्थान रुद्रबेनी र रिडी छोएर राम्रोसंग बनोस भन्ने हाम्रो चाहना छ / हाम्रो जिल्ला मध्यपहाडी लोकमार्गबाट ठगियो -त्यस्तो राष्ट्रिय महत्वको योजना मध्य पहाडको प्रमुख जिल्ला गुल्मी नै नछुनु भनेको तपाईंहरु अथवा तत्कालिन पदमा भएका सांसद-सभासद्को कमजोरी हो /बाग्लुंगको कुश्मीशेरा बाट गुल्मीको शान्तिपुर छिराएर रिडी रुद्रबेनी सडक संग जोडेर पनि बुर्तिबांग लैजान सकिन्थ्यो /त्यसो नभएर हामी सदाको लागि ठगिएका छौं / तर रिडी रुद्रबेनी वामी बाटो साँघुरो ,कम्जोर ,सिंगल हुने अनि वामी पल्तिर खर्बांग पुगेपछि ४ लेनको पक्कि सडक भेटिने भयो भने सधैभरि गुल्मीका जनताले आफ्ना नेतालाई नामर्द मेरीहरु भात माराहरु भनेर कोसि र टोकी रहनेछन जिबनभर ! तसर्थ गुल्मीलाई राष्ट्रिय राजनीतिको मुलधार ,बिकासको मुलधार ,पर्यटनको मुलधार ,शिक्षाको मुलधार , नगदे बालीको मुलधार ,स्वास्थ्यको मुलधार , उर्जाको मुलधार बनाउनु पर्छ / जनताले सधैभरि नमन गर्नेछन / दाईको कार्यकाल सुखद र महत्वपूर्ण बनोस / अहिले मुख्य सचिव लीलामणि पौड्याल छँदै रास्ट्रिय गौरबका योजना छनौट गरि गुल्मीमा राम्रा राम्रा योजना पार्न सफल हुनुहोला / लिलामणि दाई पनि सारै बढी सिद्धान्तबादी कुरा गर्नुन्छ - अब सेवा निबृत्त हुने बेला भयो त्यसैले जतिसक्दो काम फटाफट गुल्मी र गुल्मेली जनताको बृहत्तर हीतमा काम गर्न ढिला नगरी लाग्नुस् / केन्द्रको राजनीति चल्दै गर्छ तर जिल्लाको राजनीति छोड्दै नछोड्नुहोला / जिल्लामा भएका महत्वपूर्ण पदमा पुगेका कर्मचारी , रास्ट्रिय राजनीतिका महत्वपूर्ण अन्य दलका नेता जस्तै प्रदिप ज्ञवाली जी र गोकर्ण बिष्ट जी सबै एकाकार भएर जिल्लाको विकास गर्नुस /सहिष्णु राजनीति र दत्त चित्त भएर गुल्मीको शिर ठाडो पार्ने पथमा लागि नै रहनुस / शुभकामना छ /

नबराज खराल
सिड्नी ,अस्ट्रेलिया