Gulminews.com

पि.एम.मगर
आर्थिक अभाव भएपछि गुल्मीको हस्तिचौर गाविस ६ छल्दी निवासी वर्ष १३ का रमेश घिमिरेको उपचारका लागि सहयोग गरिदिन परिवारजनले आग्रह गरेको छ। रमेशलाई व्लड क्यान्सर भएपछि आर्थिक अभावका कारण उपचारमा कठिनाई भएको भन्दै सहयोग गरीदिन परिवारजनले आग्रह गरेको हो। राजधानीको कान्ती वाल अस्पतालमा उपचार गराई रहेका रमेशलाई उपचारमा ठुलो रकम लाग्ने भएकाले आफुसँग त्यो रकम नहुँदा उपचार गर्न आवश्यक सहयोगका लागि स्वदेश तथा विदेशमा रहेका सम्पुर्णलाई सहयोग गरिदिन रमेशका वावु रामवहादुर घिमिरेले आग्रह गर्नुभयो। रमेशकै उपचारका लागि आर्थिक श्रोत जुटाउनका लागि राजधानीको कृषि विकास वैँक गौशाला शाखामा वचत खाता खोलिएको छ। उक्त शाखाको वचत खाता नं. ३८१९८६ मा सहयोग गरिदिन परिवारजनको आग्रह रहेको छ। रमेश अहिले पालुखा माध्यमिक विद्यालयमा कक्षा १० मा अध्ययनरत छन्। उनको यही चैत्र १ गतेदेखि एसएलसी परीक्षा सुरु हुँदै छ।

जनार्दन घिमिरे

गुल्मी । जीवनमा दुईचार पैसा कमाएर परिवारलाई राम्रोसँग पाल्न सकिएला कि भन्ने आशमा घरपरिवारलाई चटक्क छाडेर सात समुन्द्र पारि पुगेका गुल्मेलीहरु यतिबेला आफ्नो जिल्लाको विकास निर्माणमा सहयोग गर्न तम्सिएका छन् । छ वर्षअघि गुल्मी जिल्ला समाजको नाममा बेलायतमा दर्ता भएको संस्थाले हालसम्मको अवधिमा गुल्मीलाई एक करोडभन्दा बढी आर्थिक सहयोग गरिसकेको संस्थाका उपाध्यक्ष मोतीराज भण्डारीले जानकारी दिनु भयो । गुल्मीबाट बेलायतमा अध्ययन एवं कामको शिलशिलामा पुगेका व्यक्तिहरुले विभिन्न कार्यक्रमको आयोजना गरी सहयोग संकलन गर्दै आइरहेका छन् ।

संस्थाले गुल्मीमा चारवटा एम्वुलेन्स हस्तान्तरण गरिसकेको छ । जिल्लाका जोहाङ्ग, वामीटक्सार, धुर्कोट र तम्घासमा प्रदान गरिएका ती एम्बुलेन्सवाट गुल्मीका अधिकांश बिरामीहरुले राहत पाएका छन् । जिल्लामा अपाङ्गताको क्षेत्रमा काम गर्दै आइरहेको आशा अपाङ्ग केन्द्रमार्फत पनि सीपमूलक तथा आयमूलक कार्यक्र सञ्चालन गर्नुका साथै बिरामीहरुको उपचारमा समेत आर्थिक सहयोग गर्दै आइरहेको संस्थाकी उपाध्यक्ष गंगा रायमाझी बताउनुहुन्छ । सहयोगकै क्रममा बिहीवार उक्त संस्थाको तर्फवाट संस्थाका उपाध्यक्ष मोतीराज भण्डारीले एक थान पावरप्वाइण्टका साथै दुई लाख २७ हजार बराबरको चेक रकम संस्थालाई हस्तान्तरण गर्नुभएको छ । सो कार्यक्रमा हाल यूकेमा कार्यरत सुरेश गौतमद्वारा स्थापना गरिएको सामुदायिक विद्यालयका तर्फबाट एसएलसी परीक्षामा उत्कृष्ट अंक प्राप्त गर्ने एकजना छात्र र एकजना छात्रालाई गुल्मी जिल्ला समाज यूकेको संयोजनमा सम्मानसमेत गरिएको छ ।

गुल्मी जिल्ला समाजले यसअघि विभिन्न समयमा आशा अपाङ्ग केन्द्रलाई १८ लाख बराबरको रकम सहयोग गरिसकेको छ । उक्त रकमवाट गुल्मीका अपाङ्गहरुले च्याउ खेती, कुखुरापालन, मौरी पालन, वाख्रा पालन, मोवाइल पसल तथा खुद्रा पसल राखेर आफ्नो जिविका चलाइरहेका छन् ।गुल्मी समाज यूकेले विद्यालय, खानेपानी, मोटरबाटो, वाढीपीडित तथा आर्थिक अवस्था कमजोर भएका छात्रछात्राहरुलाई पनि सहयोग गर्दै आइरहेको भण्डारीले बताउनुभयो ।स्थापना समयमा २० जना सदस्यबाट शुरु गरिएको उक्त संस्थामा हालसम्म दुईसय आजीवन सदस्य र एक हजार साधारण सदस्य रहेका छन् । उनीहरुले संस्थामा आजीवन आवद्धताका लागि १ सय ५ पाउण्ड र साधारण सदस्यका लागि १० पाउण्ड सदस्यता शुल्क उठाउने गर्दछन् । “यसैबाट जम्मा भएको रकमबाट हामीले विदेशमा दुःख पाएका नेपालीहरुको सहयोगमा खर्चिने गरेका छौं । आगामी दिनमा यो सहयोगलाई निरन्तरता दिँदै विदेश पलायन हुन खोज्ने युवाहरुलाई नेपालमै रोजगारी दिनेखालका कार्यक्रम सञ्चालन गर्ने लक्ष छ ।”-उपाध्यक्ष भण्डारीले गुल्मीन्युज डट कमलाई भन्नुभयो ।

भनिन्छ सेक्स र क्राइम मानिसको सबैभन्दा चासोको विषय हो । क्राइम अर्थात् अपराधको विषयमा मान्छेले चासो त राख्छ तर नकारात्मक अर्थबाट मात्र । तर सेक्सको विषय मानिसको जैविक आवश्यकता हो । त्यसैले सेक्सको कुलतका केही नकारात्मकता बाहेक अरु विषयलाई सकारात्मक आँखाबाट हेरिन्छ । सेक्सका विषयमा विश्वमा विभिन्न खालका अध्ययन अनुसन्धान तथा सर्वेक्षण भैरहन्छन्, जसले विभिन्न खालका रोचक तथ्यहरु बाहिर ल्याउँछन् । यहाँ त्यस्तै १० वटा रोचक तथ्य प्रस्तुत गरिएको छ ।
१. सयमा ९० जना बेलायती महिलाले जिवनमा एक न एक चोटी पोर्न सामाग्री हेर्ने गरेका छन् । अर्को रोचक तथ्य त के भने ४० प्रतिशत महिला पुरुषको भन्दा महिलाको नांगो सरीर हेर्न मन पराउँछन् भने ३० प्रतिशतले केटी केटी बीचको समलिंगी यौन सम्बन्ध समावेश भएका पोर्न सामाग्री हेर्न मन पराउँछन् ।

१. १६ प्रतिशत बेलायती युवतीहरुले आफु आफ्नो ब्वायफ्रेण्डको निमित्त वेबक्याममा नांगिएको खुलासा गरेका छन् ।

२.बेलायतमा आइतबार सबैभन्दा बढि पोर्न साइटहरु हेर्ने गरिएको छ । हप्ताको विदाको दिन भएकाले होला आइतबारको विहान पोर्न साइटहरुमा ट्राफिक निकै बढि हुने गरेको छ । आइतबार बिहानको सवा एघार बजे अनलाइनमा ब्लु फिल्म हेर्न चाहनेको माग सबैभन्दा बढि हुने गरेको अध्ययनले देखाएको छ ।

३.पोर्नस्टार महिलाहरु अरु आम महिलाजत्तिकै स्वस्थ तथा आत्मसम्मानयुक्त हुने गरेका छन् । ब्लु फिल्ममा खेल्ने महिलाहरुमा रोगको संक्रमण हुने तथा आनीबानी समेत फोहोर हुने आम विश्वास विपरित अमेरिकामा गरिएको एक अध्ययनले पोर्नस्टार महिलाहरुमा आत्मसम्मान तथा सन्तुष्टि र मर्यादाको स्तर निकै उच्च रहने गरेको र उनीहरु आफ्नो छविप्रति सकारात्मक हुनुका साथै अरु महिलाभन्दा अझ बढि आध्यात्मिक तथा गुणस्तरीय जिवन यापन गर्ने गरेका हुन्छन् ।

४. भारतीय मूलका मनोविज्ञ राज सिद्धार्थनले अस्टेलियामा गरेको एक अध्ययनले एघार देखि १३ वर्षको उमेरबाट किशोरकिशोरीहरुले पोर्न सामाग्री हेर्न सुरु गरेका हुन्छन् ।

५.ब्लु फिल्म तथा अन्य पोर्न सामाग्री हेर्ने बानीले पुरुषमा शिघ्रस्खलनको समस्या केही कम हुन्छ । सिँगापुरमा गरिएको अध्ययन अनुसार पोर्न फिल्म हेर्ने बानीले यौन जिवनमा सुधार तथा यौन सन्तुष्टीको स्तर बढाउन मद्दत गर्छ ।

६.पोर्न सामाग्री हेर्नेको संख्या जाडो महिनामा ह्वात्तै बढ्छ । अमेरिकामा गरिएको अध्ययन अनुसार अनलाइन पोनोग्राफीको दर जाडो तथा सुरुवाती गृष्म याममा सबैभन्दा बढि हुन्छ ।

७. हरेक दिन ६ करोड जनाले इन्टरनेटमा निशुल्क पोर्न साइट हेर्ने गर्छन् । ती मध्ये दुइ तिहाइले कार्यालयको कम्प्युटरमै यस्ता सामाग्री हेर्ने गर्छन् ।

८.बेलायतमा गरिएको एक अध्ययन अनुसार सुविधासम्पन्न होटलको कोठामा पुग्ने बित्तिकै पुरुष पाहुनाहरुले त्यहाँको टेलिभिजनमा पोर्न च्यानल छ छैन भनेर हेर्न सुरु गरिहाल्छन् भने महिला पाहुनाहरुले सबैभन्दा पहिले स्याम्पु र एयर कण्डिसनर भए नभएको कुरामा ख्याल गर्छन् ।

९.दशौँ हजार अस्टेलियालीले हरेक दिन पाँच घण्टा पोर्न फिल्म हेरेर बिताउँछन् ।

१०.पुरुष भारत्तोलक खेलाडिले यदि प्रतियोगितामा भाग लिनु अगाडि ब्लु फिल्म हेर्नेहो भने उसले केही बढि तौल उचाल्न सक्छ । पोर्न फिल्म हेर्दा उत्सर्जन भएको टेस्टेस्टेरोन हर्मोनले गर्दा यस्तो भएको शोधकर्ताहरुको भनाइ छ ।

समुन्द्र पौडेल, तनहुँ, फागुन ८, संसारभर प्रणय दिवसको उमंग चलेको बेला ज्योती काफ्लेले जोडी भेटाए, हिसिला। प्रणय दिवसको केही दिनअघि मात्रै जोडीको रुपमा हिसिला भेटिएपछि ज्योती अहिले मक्ख र छक्क छन्।
‘अब मैले पनि जोडी पाएँ,’ आइतबार दमौलीको मेनचोकमा भेटिएका ज्योती काफ्लेले भने, ‘जोडी पाउँदा अहिले आफैलाई रमाइलो लागेको छ।’

हास्यशृंखला ‘तीतोसत्य’मा प्रधानमन्त्री बाबुराम भट्टराईको क्यारिकेचर गर्दै आएका चितवनका काफ्लेले प्रधानमन्त्री पत्नी हिसिला यमीको रुपमा काठमाडौँ डिल्लीबजारकी विपना बस्नेतलाई जोडी बनाएका हुन्।
‘सुटिङको समयमा एक्कासी विपनाजीलाई देख्दा म पनि छक्क परेँ,’ उनले भने, ‘अहिले नेपालकै पहिलो नक्कली जोडी कलाकार बन्न पाएकोमा खुसी लागेको छ।’ कास्कीको लेखनाथमा भइरहेको लेखनाथ महोत्सवमा जाने क्रममा दमौलीमा भेटिएका उनले विपनाको अभिनयले आफ्नो प्रहसनलाई सहयोग पुग्ने बताए।
प्रधानमन्त्री पत्नीसँग अनुहार मिल्ने बिपनालाई पनि अहिले मोबाइल उठाउन भ्याइनभ्याई छ। ‘पूर्व झापादेखि पश्चिम धनगढीसम्मबाट मोबाइलमा बधाई आइरहेको छ,’ ४५ वर्षीया विपनाले टेलिफोनमा भनिन्, ‘दर्शकहरुले अभिनय रुचाएका कारण थप उत्साह मिलेको छ।’
‘मनमनै मन पराएँ’, ‘झोला’, ‘मसान’, ‘क्यारेङ ग्याङ २’ लगायतका नेपाली फिल्ममा अभिनय गरिसकेकी विपनालाई परिवारले समेत अभिनय यात्रामा सहयोग गरेका छन्। उनकी छोरी रिस्ता बस्नेत समेत निर्माणाधीन फिल्म होस्टेलमा नायिकाको रुपमा उत्रिँदैछिन्।
नक्कली बाबुराम भट्टराई र नक्कली हिसिला यमीको अभिनय गर्ने जोडी सुहाएको भन्दै काफ्ले र बस्नेतलाई धेरै ठाउँमा फोन आइरहेका छन्। नक्कली जोडीको लोकप्रियता बढ्न थालेपछि काफ्ले नक्कली प्रधानमन्त्रीको जोडीलाई प्रहसनमा उतार्ने जमर्कोमालागेका छन्।
‘मेला महोत्सवमा समेत जोडीको माग भइसकेको छ,’ काफ्लेले भने, ‘अब संवादको प्रहसनलाई जोडी प्रहसनमा उतार्ने सोचमा लागेको छु।’ जोडी सहित प्रहसनमा आएपछि तितोसत्य टेलिशृंखला र मेला महोत्सवका दर्शकलाई नयाँ स्वाद दिन लागि पर्ने काफ्लेले बताए। कलाकारद्वय काफ्ले र बस्नेतलाई दर्शकले हास्य टेलिशृंखला ‘तीतो सत्य’मा निरन्तर देख्न पाउने लेखक तथा निर्देशक दीपकराज गिरीले बताए।
नागरिक न्युजबाट

८ फागुन, काठमाडौं । नेकपा-माओवादीले आहृवान गरेको बन्द खुलेको छ । तर, बन्दसकिएल गतै बैद्य माओवादीसहितका ४ दलले थप आन्दोलनको घोषणा गरेका छन् ।

मंगलबार विहान ५ बजेबाट सुरु भएको बन्द अपराहृन ५ बजेबाट बन्द खुलेको हो । बन्द खुलेसँगै राजधानीसहित देशभर यातायातका साधन चल्न थालेको छ भने बजार पनि खुलेको छ ।

बन्द सकिएको घोषणा गर्न रनपार्क शान्ति बाटिकामा नेताहरुले प्रधान्यायाधीशको नेतृत्वमा चुनावी सरकार गठन गर्ने दलहरुको सहमतिको मस्यौदा जलाइएका छन् । साथै भोलि नेकपा-माओवादी, मातृका नेतृत्वको माओवादीसहितका ५ दलले भोलि प्रदर्शनसहित राष्ट्रपतिलाई ज्ञापन पत्र बुझाउने घोषणा गरेका छन् ।

प्रधान्यायाधीशको नेतृत्वमा चुनावी सरकार गठन गर्ने दलहरुको तयारी र जनयुद्धकालीन मुद्दा ब्यूँताएको विरोधमा नेकपा-माओवादीले बन्द आहृवान गरेको थियो ।

सुनसरी, फागुन ७, सुनसरी भादगाँउ सिनुवारी ५ का जयबहादुर लुइँटेलले आफ्नै छोरीको हत्या गरेको आरोप लगाउँदै स्थानीयवासिन्दाले इलाका प्रहरी कार्यालय इटहरी घेराउ गरेका छन् ।
छोरीको हत्या गर्ने बावुलाई प्रहरीले पक्राउ गरी कारवाही नगरेको भन्दै स्थानीयबासिन्दाले सुनसरीको पकलीमा पूर्व पश्चिम राजमार्ग एक घण्टासम्म अवरुद्ध पारेका छन् । प्रहरीले अनसन्धानमा कुनै कमी हुन नदिने र दोषी देखिए कडा कारवाही गर्ने प्रतिबद्धता जनाएपछि यातायात भने खुलेको छ ।

कान्छी श्रीमतीको लहै–लहैमा लागेर १८ बर्षिया छोरी मुना लुईटेललाई गत फागनु ४ गते शुक्रबार जयबहादुरले हत्या गरेर छिमेकीको दावी छ । हत्यापछि जयबहादुरले झुण्डिएको मरेको देखाउने छोरीको शवलाई झुण्ड्याएको छिमेकीहरुको आरोप छ ।
छिमेकी शोभा भण्डारीले फागुन ४ गते मुनालाई बावुले कुटेको देखेको बताउनुभयो । उहाँले लुगा धुने बिषयमा बावु छोरीबीच बिवाद भएको र त्यसपछि बावुले कुटेको बताउनुभयो ।
छिमेकी देवराज तिम्सिनाले जयबहादुरले यसअघि पनि पटक पटक छोरीलाई कुटपिट र यातना दिने गरेको आरोप लगाउनुभयो । लुइँटेलले चार जनालाई बिवाह गरेको छिमेकीहरुले बताएका छन ।
जेठी श्रीमतीको निधन भएपछि माइली र साइँली श्रीमती ल्याएको भएपनि उनीहरु यातनाका कारण छाडेर हिडेको छिमेकीहरुको दावी छ । कान्छी श्रीमती भने अहिले लुइँटेलसँगै बस्दै आएकी छिन् ।
इलाका प्रहरी कार्यालय पकलीका प्रहरी निरीक्षक रामबहादुर ढकालले घटनाको बिषयमा अनुसन्धान भइरहेको बताउनु भयो । उहाँले थप अनुसन्धानका लागि आरोपी जयबहादुरलाई पक्राउ गरेर ल्याएको जानकारी दिनु भएको छ ।

-विशाल भट्टराई
गुल्मी, ७ फागुन । साँघुरिँदै गएको साहित्यिक क्षेत्रमा गजलको बाढी भने थामिनसक्नुको छ । गजल प्रेमीका लागि रेसुंगा साहित्य प्रतिष्ठानले तम्घासमा सञ्चालन गरेको तीनदिने प्रथम गुल्मी गजल महोत्सव आइतबार सम्पन्न भएको छ ।

क, ख, ग, घ, यिनै हुन अक्षर भनेको
अक्षर–अक्षर मिलेर शब्द बनेको …।।
यसरी नै गजलका प्रशिक्षण लिए गुल्मीमा जम्मा भएका साहित्यकारले । दुई दिन सञ्चालित गजल लेखन प्रशिक्षणमा २० वर्षे तन्नेरीदेखि बूढापाकासम्म उल्लेख्य सहभागी भए । प्रशिक्षणमा युवादेखि रेसुंगा बहुमुखी क्याम्पसका प्रध्यापकसमेत सहभागिता रहेको छ ।
४ र ५ गते सदरमुकामको रेसुंगा बहुमुखी क्याम्पसको आयोजना गरिएको कार्यक्रममा कांग्रेस नेता दामोदर भुसालले पनि हातमा कापी र कलम लिएर रदिफ र काफियाका सिक्न सहभागिता जनाए । प्रतिष्ठानले आइतबारै बालमन्दिरमा प्रथम गुल्मी गजल महोत्सवको आयोजना गरेको थियो । महोत्सवमा खुला गजल प्रतियोगिता तथा गजल वाचन कार्यक्रमसमेत थियो । महोत्सवमा स्वदेशका चर्चित गजल संस्था अनाम मण्डलीका बलराम दाहाल, रूपक अलंकारसमेत सहभागी थिए भने गीतकार विपिन किरणले पनि महोत्सवमा सहभागी जनाए ।
गुल्मीलाई गजलको तीर्थस्थल बनाउने अभिप्रायले कार्यक्रमको आयोजन गरिएको प्रतिष्ठान जनाएको छ । नेपाली साहित्यमा गजल त्यति पुरानो विधा त होइन । तर, यसले युवा साहित्यकार र श्रृंगार रसमा रमाउने साहित्यकारको पिँढीमा भने राम्रै प्रभाव जमाउन सफल भएको छ । अरबी साहित्यबाट गजल जन्मिएको विश्वास गरिन्छ । यो भाषमा गजलको अर्थ स्त्रीसँग वार्तालाप हो । अरबी साहित्यबाट, उर्दू, फारसी हिन्दी हुँदै नेपाल भित्रिएको गजलको नेपालमा सुरुवात मोतिराम भट्टले गरेका थिए ।

धुर्कोट् -गुल्मी २६ माघ । चार वर्षघि दैनिक ज्याला मजदुरी गरेर ज्यान पाल्दा सबैले उमे कामी भन्ने सिमीचौर-४ बाँर्सखर्कका दलित किसान अहिले गाउँलेका उमबहादुर विक भएका छन् ।

तरकारी खेती गरेर लखपति बनेका उमे कामीको धनसँगै नाम पनि परिवर्तन भएर उमबहादुर भयो । नाम र दामका धनी बनेका उमबहादुर अहिले गाउँलेको मायामा समेत परिवर्तन भएपछि दङ्ग छन् । उनको जीवनमा यो खुसियाली ल्याएको हो गाउँमा खुलेको बाँर्सखर्क कृषि सहकारी संस्थाले सहकारी संस्थाबाट चार वर्षघि दुई हजार रुपैँया ऋण लएर तरकारी खेती गरेका उमबहादुर चार वर्षै लखपति बनेका छन् ।

“वर्षभरि खान पुग्ने जमिन पनि थिएन, एकसरो फर्ेन र मीठो खान दसैँ कर्ुर्नुपर्थ्याे”- उमबहादुरले भने “सहकारीको ऋणले तरकारी खेती गरेर चारजनाको परिवार राम्रोसँग पालेको छु । राम्रै स्कुलमा छोराछोरी पढाएको छु ।” चार वर्षन्दा ज्याला मजदुरी गरेर घर्रखर्च टार्दा गाउँको सबैभन्दा गरिब व्यक्तिमा गनिने ५२ वषर्ीय विक अहिले गाउँमा सम्पन्नमा  गनिन थालेका छन् ।गाउँलेहरुले नै मिलेर स्थापना गरेको बाँर्सखर्क कृषि सहकारी संस्था लिमिटेड उनको जीवनशैली फर्ेने मुख्य आधार बनेको छ । प्रशस्त जग्गा जमिन नभएका उनले आफ्नै करिब तीन रोपनी जमिनमा व्यावसायिक रुप्ामै तरकारी खेती गरेका छन् । काउली, फूलगोबी, खर्ुसानी, लसुन, प्याज, बन्दागोपीलगायतका तरकारी खेती गरेका उनले  मासिक १० हजार देखि १५ हजार कमाइ गरिरहेको बताए ।

बाँर्सखर्ककै गुनाखर कुँवर त अहिले गाउँको सबैभन्दा सम्पन्न व्यक्ति बनेका छन् । आफ्नै पहलमा सहकारी खोलेर ६०० रुपैँया ऋणमा तरकारी खेती सुरु गरेका गुणखर तरकारीबाटै वाषिर्क तीन लाख कमाउँछन् । रासस

दिन बिताएर सदरमुकाम धाउन बाध्य सेवाग्राही खुसि

मनोज बस्नेत,
गुल्मी, माघ १८ । यतीबेला गुल्मीका सरकारी निकालयहरु सेवाग्राहीको घरदैलोमै पुगेर सरकारी सेवा प्रदान गरीरहेका छन् । सरकारी सेवालाई जनताको घरदैलोमा पु¥याउने उदेश्यले गुल्मी बिभिन्न सरकारी निकायहरुले गुल्मीको पश्चिमी क्षेत्रमा एकिकृत घुम्ति शिविर सुरु गरेका छन् । पहिलो दिन हिजोँ प्युठानसगँ सिमा जोडिएको पश्चिमी गाविस अग्लुङमा घुम्ति शिविर सम्पन्न भएको छ । जसमा जिल्ला प्रशाशन कार्यालय, जिल्ला बिकाश समिति, कृर्षि, प्रहरी, खानेपानी, पशुसेवा, सिंचाई लगायतका सरकारी निकायहरुले सेवाद कार्यालयहरुले घरदैलोमै पुगेर स्थानीय जनतालाई सेवा प्रदान गरेका थिए । ती मध्ये नागरीकता बनाउनेको अत्यन्तै चापँ रहेको जिल्ला प्रशासन कार्यालयले जानकारी दिएको छ । घुम्ति शिविर आज र भोली पुर्कोट दह गाविसमा संचालन हुने छ । गुल्मीका सरकारी कार्यालयहरुले बेलामा बेलामा घुम्ति शिविर सञ्चालन गरेर आफुहरुलाई आफ्नो घरदैलोबाटै सरकारी सेवा दिने गरेपछी दिन बिताएर सदरमुकाम धाउन बाध्य सेवाग्राही पनि खुसि भएका छन् ।