Gulminews.com

पि.एम.मगर
गुल्मी, कार्तिक १४ । शाईन रेसुंगा डेभलपमेण्ट बैक लिमिटेडको पाँचौ वार्षिक साधारणसभा आज सदरमुकाम तमघासमा सम्पन्न भएको छ । गुल्मी उद्योग वाणिज्य संघको कार्यालयमा सम्पन्न साधारण सभाले सर्बसम्मतिमा बैंकको नयाँ सञ्चालक समितिको गठन गरेको छ ।
समितिको अध्यक्षमा थानेश्वर पौडेल चयन हुनुभएको छ । संस्थापक सेयर धनीकातर्फबाट सञ्चालकहरुमा राजेन्द्रप्रसाद श्रेष्ठ, कृष्णप्रसाद भण्डारी, भुवन भण्डारी, दिलिप मास्के चयन हुनुभएको छ भने सर्बसाधारण शेयरधनीका तर्फबाट सञ्चालक मोहन चाँपागाई, डिल्लीराज भुसाल र ताराप्रसाद पाण्डे चयन हुनुभएको छ । साधारण सभामा बैंकले आर्थिक वर्ष २०६९-७० को खुद नाफा ८ करोड ७० लाख ७५ हजार ९ सय ३१ रुपैयाँ ७५ पैसा मध्ये ६ करोड ३९ लाख ७२ हजार ८ सय रुपैयाँ बराबरको २० प्रतिशत बराबरको बोनस सेयर वितरण गर्ने निर्णय गरेको छ ।
साधारण सभाले बोनस सेयर वितरण गरे पश्चात समय हुने चुक्ता पुँजीको २ सेयर बराबर १ सेयरको अनुपातमा हकप्रद सेयर जारी गरी बैंकको कुल चुक्ता पुँजी ५७ करोड, ५७ लाख ५४ हजार ६ सय रुपैयाँ पु¥याउने निर्णय गरेको छ । बैंकको हालको चुक्ता पुँजी ३१ करोड, ९८ लाख ६३ हजार ६ सय रुपैयाँ रहेको छ । उक्त चुक्ता पुँजी पुरा भएपछि लुम्बिनी अञ्चल भित्र प्रधान कार्यालय रहेका विकास बैंकहरु मध्ये सबै भन्दा बढी चुक्ता पुँजी भएको विकास बैंकमा साईन रेसुङ्गा डेभलपमेण्ट बैंक हुने छ । बैंकका अध्यक्ष थानेश्वर पौडेलको अध्यक्षतामा सम्पन्न कार्यक्रमको सञ्चालन बैंकका कार्यकारी अधिकृत प्रकाश पौडेलले गर्नुभएको थियो ।

साईन रेसुङ्गा डेभलपमेण्ट बैंकको नयाँ नेतृत्व ।

पि.एम.मगर
गुल्मी, कार्तिक १४ । नेपाली काँग्रेस गुल्मी क्षेत्र नं. २ ले आज दिगाम गाविसमा चुनावी प्रचार प्रसार तथा घरदैलो भेटघाट कार्यक्रम सम्पन्न गरेको छ । उसले सो गाविसका विभिन्न स्थानमा सभा समेत सम्पन्न गरेको छ ।
दिगाम गाविसको बाँसखर्क, पिपलनेटा, बोखर, अगाह खोला, मनबाहक लगायतका स्थानमा सम्पन्न भएको चुनावी सभालाई सम्बोधन गर्दै प्रमुख अतिथि नेपाली काँग्रेसका केन्द्रीय सदस्य शिक्षा विभाग प्रमुख, नेपाली काँग्रेस गुल्मी क्षेत्र नं. २ का उम्मेदवारचन्द्र भण्डारीले काँग्रेस नेतृत्वको कुनै विकल्प नरहेको दाबी गर्दै काँग्रेसले मात्र जनताको बास्तबिक संबिधान लेख्ने दावी गर्नुभयो । उहाँले त्यसका लागि काँग्रेसको बहुमत आबश्यक रहेको बताउनुभयो । काँग्रेसप्रतिको जनताको आस्था र जनलहरले आसन्न संविधानसभाको निर्वाचनमा बहुमत ल्याएरै छाड्ने ठोकुवा समेत गर्नुभयो । विगतका समयमा पनि जिल्लाका विभिन्न क्षेत्रमा काँग्रेसले योजना बनाई काम सम्पन्न गर्ने तर अन्य दलहरुले मैले गरेको भन्दै ठग्ने गरेको बताउँदै अव सचेत भएर लाग्न उहाँले स्थानीयलाई आग्रह गर्नुभयो । सोही सभामा बोल्दै नेपाली काँग्रेसका जिल्ला सभापति चन्द्र के.सी.ले मुलुकको विकास र निकासका लागि काँग्रेसको विकल्प नभएको बताउनुभयो । यस पटकको चुनावमा काँग्रेसले जिल्लाका तीन वटै स्थानमा जीत हासिल गर्ने बताउनुभयो । कार्यक्रममा समानुपाति उम्मेदवार मोहन ज्ञवाली, संस्थागत विद्यालय शिक्षक संघका केन्द्रीय सदस्य हरिप्रसाद कण्डेल लगायतले पनि मन्तव्य व्यक्त गर्नुभएको थियो । कार्यक्रममा सस्थानीयबासीको उत्साहजनक सहभागिता रहेको क्षत्रीय समितिले जनाएको छ ।
कार्यक्रममा काँग्रेस नेता देबेन्द्रराज पौडेल, लोकनाथ कण्डेल, भरत बस्नेत, शोभाखर विश्वकर्मा, नेपाल विद्यार्थी संघका पुर्व जिल्ला सभापति प्रेम पुन मगर लगायतको विशेष उपस्थिति रहेको थियो । नेपाली काँग्रेस दिगाम गाउँ कार्य समितिका सभापति मोहन कण्डेलको अध्यक्षतामा सम्पन्नकार्यक्रमको सञ्चालन कृष्ण भण्डारी, रामकृष्ण कण्डेल लगायतले गर्नुभएको थियो । पिपलनेटा, अगाँह खोला र मानबाहकमा भएका सभामा विभिन्न पार्टी परित्याग गरी २० जना कार्यकर्ता नेपाली काँग्रेसमा प्रबेश गरेका छन् । 

पि.एम.मगर
गुल्मी, कार्तिक १४ । चुनावी प्रचार प्रसारमा लागेको नेपाली कांग्रेस क्षेत्र नम्बर ३ ले आज गुल्मीको ईश्मा दर्लामचौर गाविसमा चुनावी सभा सम्पन्न गरेको छ । दर्लामचौरको ठाडुङगामा सम्पन्न भएको कार्यक्रमलाई कांग्रेस क्षेत्र नम्बर ३ का उम्मेदवार त्रैलोक्य प्रताप सेनले सम्बोधन गर्नुभएको थियो ।
सभालाई सम्बोधन गर्दै प्रमुख अतिथि प्रत्यक्ष उम्मेद्वार सेनले जनताको संविधान निर्माण, मुलुकको संबृद्धि र शान्तिका लागि नेपाली काँग्रेस सधै प्रतिव्रद्ध रहेको बताउनुभयो । उहाँले नेपाली काँग्रेसको नेतृत्वले मात्रै जनताको बास्तबिक संविधान दिन सक्ने दाबी गर्दै आफ्नो पार्टी सधै जनताप्रति समर्पित तथा उत्तरदायी रहेकाले संविधानसभाको निर्वाचनमा काँग्रेसले बहुमत ल्याएरै छाड्ने बताउनुभयो । त्यस्तै कार्यक्रममा पूर्व सांसद रुद्रमणी शर्मा भण्डारीको विशेष आतिथ्यता रहेको थियो । कार्यक्रममा नेपाली कांग्रेस जिल्ला उपसभापति भुवनप्रसाद श्रेष्ठ, संगठन विभाग प्रमुख शालीकराम पन्थी, जिल्ला सह सचिव हरी केसी, महाधिवेशन प्रतिनिधि तथा नेविसंघका पुर्व उपाध्यक्ष महेन्द्र भण्डारी, महाधिवेशन प्रतिनिधि कृष्ण नेपाली, शिक्षक संघका सभापति तथा ईलाका नम्बर १३ ईन्चार्ज प्रेमनारायण भण्डारी, गाउँ समिति सचिव नारायण भुसाल लगायतले आसन्न संविधानसभाको निर्वाचन र काँग्रेसको भूमिकाका विषयमा प्रकाश पार्नुभएको थियो । कार्यक्रममा तरुण दल जिल्ला सदस्य चुराबहादुर खत्री र बिक्रम महतले सांगीतिक प्रस्तुती समेत प्रस्तुत गरेका थिए । पूर्व पार्टी गाउँ समति सभापति रामेश्वर अर्यालको स्वागत मन्तब्यबाट सुरु भएको कार्यक्रममा पशुपती अर्यालको संचालन  तथा गाउँ समिती सभापति पदमबहादुर कुँवरको अध्यक्षता रहेको थियो ।

गगनशिला खड्का
गुल्मी, १४ कार्तिक । नेकपा एमालेका निर्वाचन क्षेत्र नं ३ का प्रत्यक्ष उम्मेद्वार गोकर्ण विष्टले आफुलाई सधै गाउँको विकास निर्माणको चिन्ता लागीरहने बताउनुभएको छ ।
चुनावी प्रचार-प्रसारका क्रममा आज गुल्मीको घमिरमा मतदातांग कुरा गर्दे विष्टले आँफु जुनसुकै भागमा रहेपछि जन्मेको, हुर्केको गाउँ र निर्वाचन क्षेत्रको विकासमा कसरी ध्यान दिने भन्ने कुराले चिन्तित बनाईरहने बताउनुभयो । उहाँले गुल्मी जिल्लाको प्राथमिकताको हिसावले पनि सधै विकास निर्माणका कुरा उठ्दा पछि परीरहने निर्वाचन क्षेत्र नं ३ मा मोटरवाटो र विधुतीकरणले मात्रै अन्य विकासका ढोकाहरु खुल्न सक्छन् भन्ने लागेर आफुले मोटरवाटो र विधुतमा ध्यान दिएको बताउनुभयो ।
विष्टले निर्वाचन क्षेत्रको विकासका लागि पारिवारिक, सामाजिक र राजनैतिक मायाँले समेत तान्ने बताउनुभयो । उहाले आफु राजनितिक व्यस्तताका कारण काठमान्डुमा रहेपनि अन्य परिवार पुर्खौली घर दोहलीमा बस्ने हुदाँ काठमान्डु भन्दा गुल्मी र निर्वाचन क्षेत्र नं ३ का जनताको अपार माया ममताले बढी तान्ने बताउनुभयो । लामो समयको राजनितिक यात्रामा व्यक्तीगत स्वार्थ भन्दा माथी उठेर आफ्नो क्षेत्रलाई निरन्तर सहयोग गरीरहनुभएका विष्टले विकास र संविधान निर्माणका लागि मत दिन आग्रह गर्नुभयो ।

गगनशिला खड्का
गुल्मी, १४ कार्तिक । आगामी मंसिर ४ गते हुने संविधान सभाको दोश्रो निर्वाचनको चहलपहलका कारण गुल्मीका गाउँका होटलहरुमा व्पापार बढ्दो छ । संविधान सभाको दोश्रो पटक हुन लागेको निर्वाचनमा उठेका विभिन्न राजनितिक दलका उम्मेदवारहरु गाउँ-गाउँमा पुगेपछि होटल व्यवसायमा पनि बृद्धी भएको हो ।
चुनाबमा आफुलाई भोट दिन भनि भोट माग्दै उम्मेद्वारहरु संगै तिनका कार्यकर्ता पनि गाउँमा गएका कारण गाउँका होटलहरुको व्यवसाय फस्टाएको छ । विगतमा एकाध भन्दा अरु ग्राहकहरु प्रायः खाना र बस्नको लागि नआउने होटलमा समेत अहिले व्यपार बढेको हो ।
निर्वाचनको प्रचार—प्रसारमा कार्यकर्ता,कर्मचारी लगायत अहिले सबै गाउँ केन्द्रित भएका कारण होटल व्यवसायमा बृद्धी भएको दोहली ७ निवासी प्रतिक्षा होटलका प्रमुख पिताम्वर कार्कीले बताए । दोहलीको मैदानमा होटल सञ्चालन गरेर बसेका कार्किले गुल्मी निर्वाचन क्षेत्र ३ का लगभग प्रमुख दलका उम्मेद्वार र कार्यकर्तालाई खाना ख्वाईसकेका छन् । ग्रामिण क्षेत्रमा एउटै होलले धेरै जनालाई सुविधा दिन नसक्ने कारण दलका कार्यकर्ता र नेताहरु बाडिएर खाना खाने समेत गरेका छन् । पहिले—पहिले कार्यकर्ताका घरमा खाना खाएर निर्वाचनको प्रचार-प्रसार गर्ने र भोट माग्ने नेता र तिनका कार्यकर्ता भने यसपटक होटलमै खाना खाएर चुनाबी प्रचार—प्रसारमा व्यस्त छन् ।

प्रेम सुनार
कार्तिक १४, गुल्मी । जिल्ला प्रहरी कार्यालय गुल्मीले केहि दिन अघि विशुखर्कमा वालिका वलत्कार गर्ने एक युवा र दिगाममा पनि वालिका वलत्कारको उद्योग गर्ने एक पाको पुरुषलाई पक्राउ गरेको छ ।
कार्तिक ४ गते राती करिव २ वजेको समयमा विशुखर्कमा १४ वर्षिया सितामायाँ (नाम परिवर्तन) लाई वलत्कार गरेको अभियोगमा विशुखर्क ३ का २५ वर्षिय राजु सार्कीलाई पक्राउ गरिएको प्रहरी निरक्षक राजेन्द्रप्रसाद श्रेष्ठले बताए । त्यस्तै कार्तिक ५ गते साँझ करिव पाँच वजेको समयमा वर्ष १० कि गिता (नाम परिवर्तन) लाई दिगामको गाईछेक्ने जंगलमा वलत्कार उद्योग गरेको अभियोगमा प्रहरीले दिगाम ३ का ४४ वार्षिय मनिराम भण्डारीलाई पक्राउ गरिएको श्रेष्ठले बताए ।
ति दुवै पिडित पक्षको उजुरी आएपछि निजहरुलाई हिरासतमा लिई कार्बाही प्रकृया अगाडी बढाईएको श्रेष्ठले जानकारी गराए । जिल्लामा वालिका बलत्कारका घटनामा बृद्धि भएको छ । केहि महिना अघि बडागाउँमा एक पुरुषले आफ्नै ११ वािर्षया वालिका छोरीलाई बलत्कार गरेका थिए ।

रेडियो परिवर्तन
बागलुङ, कार्तिक १४ । एकीकृत नेकपा माओवादीका अध्यक्ष पुष्पकमल दाहाल प्रचण्डको आज बागलुङ सदरमुकाममा आयोजना गरेको  चुनावी आमसभामा मानिस ओसार्न प्रयोग गरिएको बसमा गएराति  अपिरिचित व्याक्तिहरुको समुहले आगजनी गरेको एकीकृत नेकपा माओवादी बागलुङले जनाएको छ .

बागलुङ सदरमुकाम देखी पश्चिममा रहेको बिहुँ गाविस वडा नं ४ पीँडाल्ना भन्ने थानमा बसमा यात्रुहरु भैरहेको अवस्थामा मुखमा नकाव लगाएका १२-१५ जनाको समुहमा आएका अपरिचित व्यक्तिहरुले घ १ ख ५४० नंबरको बसमा आगो लगाएको प्रत्यक्षदर्शीले बताएका छन् । बसको अगाडीको सिसा फोडी आगो लगाइएको थियो ।

आज हुने आमसभालाई आफना कार्यकर्ताहरु ओसार्न बिहुँ गैरहेको उक्त बसभित्र आगलागीको समयमा चालक र बसका कामदार २ जना सहित ८ ÷ १० जना रहेको बताईएको छ । बसमा आगो लगेपछी बसमा रहेका सबै भागेर ज्यान जोगाएको  सोही बसमा सवार एमाओवादी कार्यकर्ता चिरिन्जीवी कँडेलले बताउनुभएको छ । बसबाट निस्केर भाग्ने सिलसिलामा नवीन कँडेल सहित केहि  संपर्क विहीन रहेको एकीकृत नेकपा माओवादीले जनाएको छ । आगजनी पछि वस पुरै जलेर खरानी भएको बताइएको छ ।

यसैवीच अमरभूमी गाविसमापनि बुधबार राति नै अज्ञात समुहले एक पीकअप जीपमा आगजनी गरेको छ । १२÷१५ जनाको समुहमा आएको अज्ञात समुहले जीपमा आगो लगाएको प्रहरीले बताएको छ । आगजनीबाट जीप पूर्णत ध्वस्त बनेको छ ।

घटना कसले गराएको भन्ने विषयमा थाहा नभएको जिल्ला प्रहरी कार्यालय बागलुङले जनाएको छ । स्मरणिय छ, प्रचण्डको कार्यक्रमलाई लक्षित गरी नेकपा माओवादीले आज बागलुङमा यातायात बन्दको घोषणा गरिसकेको छ ।

गुल्मी–१ की एमाले उम्मेदवार मैनाकुमारी भण्डारी (५४) ले पनि निर्वाचन खर्च अभाव भएपछि घरदैलो गरेर प्रचार गरिरहेको हिमाल खबर पत्रीकाले समाचार छपेको छ । गत भदौमा श्रीमानको मृत्यु भएपछि घरको आर्थिक अवस्था अरू कमजोर बनेको बताउने उनले निर्वाचन खर्चका लागि जापानमा रहेका आफन्त गुहारेकी छिन् । भण्डारीलाई निर्वाचनको पोस्टर, पम्पलेट छाप्न एमाले गुल्मी–काठमाडौं सम्पर्क मञ्च, अखिल नेपाल महिला संघ, एमालेको भारत प्रवासले सहयोग गरेको समेत हिमाल खबर पत्रीकामा खबर छ ।
२०३७ मा पोखराको पीएन क्याम्पसमा पढ्दा विद्यार्थी राजनीति शुरू गरेकी उनी एमालेको राष्ट्रिय प्रतिनिधि परिषद् सदस्य, अखिल नेपाल महिला संघको केन्द्रीय सचिवालय सदस्य तथा लुम्बिनी अञ्चल इन्चार्ज हुन्। २०६४ को निर्वाचनमा उनलाई पराजित गरेका एमाओवादीका सुदर्शन बराल मगर र कांग्रेसका डा. कृष्णबहादुर छन्तेल उनको प्रतिस्पर्धी छन्।

मोबाईलबाट सुन्न तल क्लिक गर्नुहोला ।
भाग १
भाग २
भाग ३

केशव भण्डारी
गुल्मी, कार्तिक १३ । एमालेको अखडा मानिने गुल्मी विरबासका विभिन्न स्थानमा बुधबार नेपाली काँग्रेसले आमसभा तथा चुनावी प्रचार अभियान सम्पन्न गरेको छ । सभामा नेकपा एमाले पार्टी परित्याग गरी नेपाली काँग्रेसमा प्रबेश गर्ने नवप्रबेशीहरुलाई अविर तथा फुलमालाले स्वागत गर्दै नेपाली कांग्रेसका केन्द्रिय सदस्य तथा गुल्मी क्षेत्र नम्बर २ का नेपाली कांग्रेसका उम्मेदवार चन्द्र भण्डारीले अबिर र माला लगाईदिएर स्वागत गर्नुभएको थियो । सोही अवसरमा भण्डारीले नव प्रवेशीहरुको भावनालाई आफुले सधै उच्च सम्मान गरेर अगाडी बढ्ने प्रतिबद्धता समेत व्यक्त गर्नुभयो ।
भण्डारीले नेपाली काँग्रेसको नेतृत्व बिना मुलुकले राजनीतिक निकास पाउन नसक्ने दाबी गर्नुभयो । बिरबासको भट्टेचौर, अड्डाँडा र बाख्रेमा भएको कार्यक्रमलाई सम्बोधन गर्दै प्रमुख अतिथि काँग्रेसका केन्द्रीय सदस्य एबं प्रत्यक्ष उम्मेद्वार चन्द्र भण्डारीले नेपाली काँग्रेसमा विरबासबासीको उल्लेख्य प्रबेशले आफु थप उत्साहित तथा उत्तरदायी बनाएको बताउनुभयो । उहाँले राष्ट्रको संरक्षणका लागि काँग्रेसको जीत अपरिहार्य रहेको बताउनुभयो । सही राजनीति दल र सही व्याक्तिको नेतृत्वको अभावले संविधान निर्माण हुन नसकेको उहाँले दाबी समेत गर्नुभयो । अब हुने संविधानसभाको निर्बाचनमा काँग्रेसले बहुमत लिएरै छाड्ने दाबी गर्दै उम्मेदवार भण्डारीले त्यसपछि मात्र मुलुकले स्थायी निकास पाउने दाबी गर्नुभयो ।
अब काँग्रेसले मुलुकको स्थायी निकाससँगै भौतिक पुर्वाधारको विकास, स्वास्थ्य, शिक्षा, रोजगार जस्ता मुद्धाहरुलाई प्राथमिकताका साथ अगाडी लिएर जाने उहाँले बताउनुभयो । त्यस्तै नेपाली काँग्रेसका जिल्ला सभापति एबं समानुपातिक उम्मेदवार चन्द्र के.सी.ले विकास निर्माण तथा मुलुकको निकासका लागि काँग्रेसको अहम भूमिका रहेको र सधै रहिरहने बताउनुभयो । उहाँले काँग्रेसको बहुमत नआएकाले संविधान बन्न नसकेको आरोप समेत लगाउनुभयो ।
बुधवार विहान अडडाँडा भन्ने स्थानमा सम्पन्न कार्यक्रममा कुमार सोमैको नेतृत्वमा त्यस क्षेत्रका स्थानीयबासी नेपाली काँग्रेसमा प्रबेश गरेको नेपाली कांग्रेस गुल्मीले गुल्मीन्युजलाई जानकारी दिएको  छ । लगत्तै विरबासकै भट्टेचौरमा भएको कार्यक्रममा पनि मिसुगा क्षेत्रका वडा नागरिक मञ्चका अध्यक्ष सुबेदार थम्मनबहादुर ढेँगा सहितका ५० घर परिवारका सबै व्याक्तिहरु नेपाली काँग्रेसमा प्रबेश गरेका छन् ।
कार्यक्रममा उपसभापति भुवनप्रसाद श्रेष्ठ, राष्ट्रिय मगर संघका केन्द्रीय सदस्य श्रीप्रसाद भलामी, नेपाल तरुण दलका जिल्ला अध्यक्ष खिलध्वज पन्थी लगायतले आसन्न संविधानसभाको निर्वाचन र काँग्रेसको भूमिकाका बिषयमा मन्तव्य व्यक्त गर्नुभएको थियो । कार्यक्रममा नेपाल विद्यार्थी संघका पुर्व जिल्ला अध्यक्ष प्रेम पुन, राष्ट्रिय मगर संघका जिल्ला सचिव भरत भलामी, तमघास गाउँ कार्य समितिका प्रकाश भलामी, नेपाल प्रेस युनियनका जिल्ला अध्यक्ष हरिकुमार श्रेष्ठ, सदस्य ताराप्रसाद भुसाल, विरबासका कार्यबाहक पार्टी सभापतिन केशब कण्डेल, लिलबहादुर बलाल, कुलराज कण्डेल, फर्सबहादुर कार्की, नेपाल तरुण दलका उदय थापा, बाबुराम कण्डेल लगायतको विशेष उपस्थिति रहेको थियो । कार्यक्रमको सञ्चालन भुपेन्द्र कण्डेल र पोष्टराज कण्डेलले गर्नुभएको थियो ।
यसैविच गुल्मीको क्षेत्र नं. ३ अन्तर्गत इश्मा दोहोलीमा पनि चुनावी सभा आजै सम्पन्न भएको छ । सभापति केशव रिजालको अध्यक्षतामा भएको सभालाई सम्बोधन गर्दै प्रमुख अतिथि काग्रेस क्षेत्र न. ३ का प्रत्यक्ष उम्मेद्वार त्रैलोक्यप्रताप सेनले जनताको संविधान निर्माण, मुलुकको सम्बृद्धि र शान्तिका लागि नेपाली काँग्रेस सधै प्रतिव्रद्ध रहेको बताउनुभयो । उहाँले नेपाली काँग्रेसको नेतृत्वले मात्रै जनताको बास्तबिक संविधान दिन सक्ने दाबी गर्दै आफ्नो पार्टी सधै जनताप्रति समर्पित तथा उत्तरदायी रहेकाले संविधानसभाको निर्वाचनमा काँग्रेसले बहुमत ल्याएरै छाड्ने बताउनुभयो । सोही सभामा विशेष अतिथि पुर्व संसद एवं निर्वाचन प्रचार प्रसार समिति संयोजक रुद्रमणी शर्मा भण्डारी, जिल्ला सहसचिव हरिबहादुर के.सी. पार्टीका जिल्ला संगठन विभाग प्रमुख शालिक पन्थी, क्षेत्रीय सभापति दामोदर भुसाल, महाधिबेशन प्रतिनिधी एवं इलाका नं. ११ का इन्चार्ज महेन्द्र भण्डारी, महाधिबेशन प्रतिनिधी कृष्ण नेपाली, पार्टीका आमन्त्रित जिल्ला सदस्य थम्मन के.सी, सुरेन्द्र के.सी. पुर्व क्षेत्रीय सभापति ढुण्डीराज भण्डारी, क्षेत्रीय कोषाध्यक्ष भोजप्रसाद श्रेष्ठ, तरुण दलका जिल्ला सदस्य चुराबहादुर के.सी., जिल्ला सदस्य केशब भण्डारी, होटल व्यवसायी महासंघका केन्द्रीय सदस्य युवराज भण्डारी, दोहोलीका पुर्व पार्टी सभापति क्याप्टेन बिनबहादृुर थापा, इश्मा रजस्थल पार्टी सभापति कुलचन्द्रं कुवँर, दर्लामचौरका पार्टी सभापति पदमबहादुर कुवँर, इश्मा रजस्थलका तरुण दल सभापति झविन्द्रं अर्याल, दोहोली २ का ओमबहादुर गुरुङ्ग लगायतले पार्टीको भूमिकाका विषयमा मन्तव्य व्यक्त गर्नुभएको थियो । मनबहादुर दर्लामीको स्वागत मन्तव्यसँगै सुरु भएको कार्यक्रमको सञ्चालन पार्टीका क्षेत्रीय सहसचिव भगतसिँह खड्काले गर्नुभएको थियो । यसअघि इश्मा रजस्थल वार्ड नं. २ को वार्ड भेलामा पनि प्रमुख अतिथि उम्मेद्वार सेनसँगै क्षेत्रीय सभापति दामोदर भुसाल, महाधिबेशन प्रतिनिधी महेन्द्रप्रसाद भण्डारी, क्षेत्रीय सहसचिव भगतसिँह खड्का, गाउँका पार्टी उपसभापति डम्मरबहादुर विष्ट लगायतले मन्तव्य राख्नुभएको थियो । पार्टी सभापति कुलचन्द्र कुवँरको अध्यक्षतामा भेला सम्पन्न भएको थियो ।
यसैविच नेपाली काँग्रेस क्षेत्र नं. १ को आयोजनामा आँपचौरको इन्द्रेगौणामा आफ्नो चुनावी सभा सम्पन्न गरेको छ । चुनावी सभालाई सम्बोधन गर्दै नेपाली काँग्रेस क्षेत्र नं. १ का उम्मेद्वार प्रध्यापक डा. कृष्णबहादुर छन्तेल थापाले नेपाली काँग्रेसमा देशैभरी चलेको जनलहरले बहुमत ल्याउनेमा आफु विश्वस्त रहेको बताउनुभयो । सभामा महासमिति सदस्य हिरामणी अर्याल, महाधिबेशन प्रतिनिधी बेद थापा मगर, जिल्ला कार्य समिति सदस्य विष्णु थापा लगायतले मन्तव्य राख्दै नेपाली काँग्रेसको भूमिका बारे प्रकाश पार्नुभएको थियो । सोही अवसरमा बयोवृद्ध श्यामकला भट्टराई, गुनाखर भट्टराई लगायतलाई पार्टीले सम्मान समेत गरेको थियो । नेपाली काँग्रेस आँपचौर गाउँ कार्य समितिका सभापति रुद्र खरेलको अध्यक्षतामा सम्पन्न आम सभाको सञ्चालन जिल्ला प्रतिनिधी गोविन्द गौतमले गर्नुभएको थियो । त्यस्तै क्षेत्र नं. १ को दिब्रुङ्ग गाविसमा पनि घरदैलो कार्यक्रम सम्पन्न गरेको छ । क्षेत्रीय सभापति पारिश्वर ढकाल सहितको प्रचार प्रसार समितिले ठुलो लुम्पेक गाविसका विभिन्न स्थानमा घरदैलो अभियान सम्पन्न गरेको क्षेत्रीय समितिले जनाएको छ ।
यस्तै पुर्कोट दहमा नेपाली कांग्रेसले वडा नम्बर ६, ७ र ८ मा चुनाव प्रसार समितिको गठन भएको छ । प्रचार प्रसार समितिको संयोजकमा लेख बहादुर खत्री, उप संयोजकमा यम बहादुर केसी र निम बहादुर थापा लगायत ७१ सदस्यी सदस्य रहेका छन् । कार्यक्रममा नेपाली कांग्रेस महासमिति सदस्य विष्णु पन्थी, महासमिति सदस्य विष्णु कुँवर, जिल्ला कार्य समितिका सदस्य ईश्वरा कुँवर, गाउँ ईकाई समतिका सभापति यमबहादुर कुँवर, त्रिभुवन विश्व विद्यालयका पूर्व स्ववियु सह सचिव जगदिश पौडेल लगायतको उपस्थिति रहेको थियो । त्यस्तै चुनाव प्रचार प्रसारका लागि सोही अवसरमा महिला प्रचार प्रसारसमितिको गठन गरेको छ । नन्दा जिसी संयोजक रहेको समितिमा ५१ सदस्य रहेका छन् । समितिको संह संयोजकमा तारा केसी, गन कुमारी महतरा लगायत अन्य रहनुभएको छ । 

केशव भण्डारी
गुल्मी, कार्तिक १३ । नेपाल महिला संघ, तमघास गाउँ समितिको चुनाव प्रचारप्रसार समिति गठन अभियान अन्तर्गत बुधवार तम्घासको वार्ड नं. ५ र ६ को छुट्टाछुट्टै भेला सम्पन्न भएको छ । वार्ड नं. ५ को भेलाले मिना भलामीको संयोजकत्वमा ५५ सदस्यीय चुनाव प्रचार प्रसार वार्ड समितिको गठन गरेको छ ।
त्यस्तै वार्ड नं. ६ मा शोभा मरासिनीको संयोजकत्वमा ५५ सदस्यीय चुनाव प्रचारप्रसार वार्ड समितिको गठन गरेको छ । भेलालाई प्रमुख अतिथि नेपाली काँग्रेस, संघीय विभागका केन्द्रीय सदस्य धना भण्डारीले क्षेत्र नं. २ मा नेपाली काँग्रेसलाई जिताउनका लागि हरेक बस्ती बस्तीबाट जुट्नुपर्ने बताउँदै सबै दिदीबहिनीहरुलाई एक भएर लाग्न आग्रह गर्नुभयो । कार्यक्रममा नेपाली काँग्रेसका जिल्ला सदस्य मिना पन्थ र सिता बलाल, नेपाली काँग्रेस तमघास गाउँ समितिका सभापति अखिलश्वरप्रसाद पाण्डेय, सचिव छवि पाण्डे र लक्ष्मी पाण्डे, नेपाल महिला संघका तमघास गाउँ समिति सभापति अमृतादेबी कुवँर लगायतले पनि मन्तव्य व्यक्त गर्नुभएको थियो ।
भेलामा संघकै सह–संयोजकहरु ग्ांगादेवी पाण्डे र दुर्गा पोखरेल, नेपाली काँग्रेस तमघास गाउँ कार्य समितिका सदस्यहरु पार्वती गौतम, कृष्ण पाण्डे, महिला संघका तारा पौडेल, सिता आचार्य, निर्मला के.सी. वार्ड नं. ६ का पार्टी सभापति डिल्लीराज पाण्डे, राष्ट्रिय मगर संघ तमघासका अध्यक्ष धनबहादृुर श्रीस, सदस्य झकबहादुर श्रीस, रविन्द्र श्रीस लगायतको विशेष आतिथ्यता रहेको थियो । सोही भेलाले वार्ड नं. ५ मा धनबहादुर श्रीस संयोजक र यमबहादुर विश्वकर्मा, रविन्द्र श्रीस र झकबहादुर श्रीस सदस्य रहेको सल्लाहकार समितिको गठन गरेको छ । त्यस्तै वार्ड नं. ६ मा मिना पन्थ संयोजक र गंगादेबी पाण्डे र डिल्लीराज पाण्डे सदस्य रहेको सल्लाहकार समितिको चयन गरेको छ ।

केशव भण्डारी
गुल्मी, कार्तिक १३ । नेपाली काग्रेसका नेता तथा अर्घाखाँची जिल्ला निर्बाचन क्षेत्र नम्बर १ का उम्मेदवार डा.रामबहादुर बिसीले लोकतान्त्रीक संबिधान निर्माण नै काँग्रेसको मुख्य एजेण्डा रहेको बताउनु भएको छ । उँहाले नेपाली काँग्रेस प्रति देसभर नै जनलहर चलेकाले काँग्रेसलाई दुई तिहाई मतले बिजय गराएमा देशमा दिगो शान्ति र लोकतान्त्रिक संबिधान निर्माण हुने बताउनु भएको छ । नेपाली काँग्रेसले चुनाबि प्रचार प्रसार अभियान अन्तर्गत हंसपुर गाविसको रतनमारेमा गरेको कार्यकर्ता भेटघाट कार्यक्रममालाई सम्बोधन गर्दै नेता बिसीले नेपाली जनताको पक्षका साथै गरिब र निमुखा बर्गको संबिधान लेखिने बताउनुभयो ।
कार्यक्रममा नेपाली काँग्रेसका नेता तथा पुर्ब मन्त्री रेवतीप्रसाद भुसालले एमाओबादीका कारण पहिलो संबिधान सभाको निर्बाचनबाट संबिधान बन्न नसकेका आरोप लगाउँदै नेपाली जनताको लोकतान्त्रिक संबिधान निर्माण गर्नका लागि पनि जनताले काँग्रेसलाई पहिलो पार्टी बनाउने बताउनुभयो । त्यस्तै कार्यक्रममा जिल्ला सचिब बासुदेब आचार्य, समानुपातिक उम्मेदवार निर्मला क्षेत्रि,  काँग्रेसका अंचल समन्वय समितिका सदस्य बिष्णुप्रसाद खनाल मुस्कान, कोषाध्यक्ष हरिबहादुर खड्का, जिल्ला सदस्यहरु भोज बहादुर बस्नेत, केशब श्रेष्ठ आमन्त्रित जिल्ला सदस्य माधब भुसाल, बाबुराम पौडेल, क्षेत्रिय सचिब बिष्णु क्षेत्री नेपाल महिला सघंकी सभापति शुशिला खनाल, उपाध्यक्ष राधा आचार्य, नेपाल दरुण दलका रमेश श्रेष्ठ, नेबिसंघका सभापति बिजय क्षेत्री भुतपुर्ब सैनिक संघका सभापति गोपाल अर्याल, उपाध्यक्ष राम बहादुर परियार, नेपाल दलित संघका सभापति मणि परियार, क्षेत्रिय सदस्य कबिराज थापा, बैकुठ थापा, धर्म खनाल लगायतले मन्तब्य राख्नु भएको थियो । कार्यक्रममा जिल्ला सचिब लोकेन्द्र सब कको संचालन हसंपुरका सभापति कृष्ण बहादुर बस्नेतको सभापतित्वमा सम्पन्न भएको हो

रामकृष्ण बोहरा
बागलुङ । स्थानीय स्तरमा रहेका अल्लो र सिस्नोको बजारिकरण नभएको बागलुङ पश्चिमका स्थानीयहरुले गुनासो गरेकाछन् ।
स्थानिय बजार सानो र बाह्य बजारमा निर्यात गर्नुपर्दा रुपमा सनो बजार व्यवस्था र वाह्य बजारमा उत्पादीत बस्तुलाई निर्यात गर्दा उत्पादन मुल्य समेत नउठ्ने भएपछि अल्लोको धागो र सिस्नोको पाउडर उत्पादन गर्ने उद्यमी समस्यामा परेका छन् । अल्लोको धागो र सिस्नोको पाउडरबारे उपभोक्तालाई जानकारी गराउन नसक्दा बजारीकरणमा समस्या भएको उनीहरुको भनाई छ ।
अल्लो धागो र सिस्नोको पाउडर उत्पादन गरेपनि बिक्री नहुने र बाहिरको बजारमा पठाउँदा उत्पादन मुल्य समेत उठ्न छोडेपछि बजारीकरणमा समस्या भएको जिल्लाको बुङ्गादोभानका सिस्नो पाउडर उद्यमी टकबहादुर घर्तिले गुनासो गर्नुभएको छ ।  । जिल्ला लघुउद्यमी समुह संघको सहयोगमा स्थापित सौगात बागलुङले उत्पादन गरेको केही मात्रामा सिस्नो पाउडर बिक्री भएपनि पर्याप्त बिक्री हुन नसकेको घर्तिले गुल्मीन्युजलाई बताउनुभएको छ ।
 जंगलमा पाइने सिस्नो र चाल्ने सिस्नोबाट उत्पादन हुने पाउडर र अल्लो धागो आफुहरुले उत्पादन गरेको सबै बजारमा पठाउन गाह्रो भएको उद्यमीहरु बताउँछन् । ‘राम्रो बजार पाए हामीले धेरै उत्पादन गर्ने ताराखोलाका अल्लो उद्यमी बिष्णु कुमारी रोकाको भनाई छ ।
धेरै समय खर्चेर उत्पादन हुने बस्तुले समयमा बजार नपाउँदा उद्यमीहरु थप समस्यामा परेका छन् । समय धेरै खर्चेर कच्चा पदार्थको संकलन र प्रशोधन गरी उत्पादन गरेको बस्तुले बजार नपाउँदा समस्या परेको दमेकका उद्यमी उमा विकको भनाई छ ।
 जिल्लाका उद्यमीहरुले उत्पादन गरेको अल्लो धागो मसिनोको प्रतिकेजी ७ सय रुपैयाँ र सिस्नोको पाउडर प्रतिकेजी ५ सय रुपैंयामा बिक्री गर्दै आएका छन् । उनीहरुले उत्पादन गरेको बस्तुको उत्पादन लागतका आधारमा बजार मुल्य नभएकोमा निराश देखिन्छन् ।   जिल्लामा कति अल्लो र कति सिस्नो पाउडरको उत्पादन हुन्छ भन्ने तथ्याङ आँफुसँग नभए पनि १ सय ११ उद्यमीले अल्लो र ९६ उद्यमीले सिस्नो पाउडरको उत्पादन गर्ने गरेको लघुउद्यमी समुह संघका कार्यक्रम संयोजक डिलकुमारी थापाले बताउनुभएको छ ।

प्रेम सुनार
कार्तिक ११, गुल्मी । १० वर्षिया वालिकाले म वाँच्न चाहन्छु तर पैसा छैन कसरी बाँचु ? भन्दा मुटु भक्कानियो । अरु साथीहरु झै रमाउन चाहन्छु, उनिहरुले झै पढ्न चाहन्छु भनेर रेडियो पत्रिका भोझेलका खवरमा उनले भन्दा धेरै श्रोताहरु पनि रुनु भएछ । सुने लगत्तै सहयोगदाताहरुको धमाधम फोन आयो । उनि थिईन मुटुमा प्वाल परेर आर्थिक अभावका कारण उपचार गर्न जसकेकी गुल्मीको छापाहिले २ निवासी लक्ष्मी राउत ।
छापाहिले गाविस कार्यालयबाट सहयोग संकलनका लागि सिफारिस लिई छोरी बोकेर आएका राउत बाटो खर्च बनाएर अहिले काठमाण्डौस्थित गंगालाल हृदय रोग उपचार केन्द्रमा पुगेका छन् । गत १५ वर्षदेखि जमलपोखरा माध्याकि विद्यालय छापाहिलेमा परिचर रहेका राउतको तलवले विहना वेलुकाको गुजरा चलाउनै मुस्कील छ । ‘घर जग्गा बेचेर एउटा भैसी पनि आउँदैन कसरी छोराीलाई बचाउँ ? भन्दै उनलेे छोरीको जिवन रक्षार्थ सवैसंग सहगोगको अपिल गरे ।
कक्षा ६ मा पढ्ने लक्ष्मी आफै सहयोगको हात फैलाउदै जिवनको दुहाई मागेर हिडेको देख्दा जिवन कति अमुल्य रै’छ , तर किन कतिपयले जिवनलाई केहि नठानेर आत्मा हत्या गर्छन ? भन्ने लाग्यो । अरु भन्दा पनि लक्ष्मीले सवैले थोरै थोरै पैसा दिए म बाँच्ने थिएँ, अरु साथीहरु झै रमाउने थिएँ......... भन्ने वोली अहिले सम्म मेरो कानमा गुञ्जीन्छ । म कामना गर्छु उनको बाँच्ने चाहना पुरा होस र सवैको मनमा दया जागोस वस......पाठक महानुभावको जो ईच्छा.............
 
बाबुको कांखमा बसेर सहयोगको हात फैलाउँदै लक्ष्मी

प्रेम सुनार
कार्तिक १३, गुल्मी । गुल्मीको पिपलधारा ३ का जनतालाई खानेपानी योजना परेको तिन वर्ष नाघि सक्यो । योजना ब्याक्तिको झोलामा, जनता एक गाग्रो पानीका लागि डेढ घण्टा तल खोलामा पुग्ने गरेका छन् । श्रोत ब्याक्ति समेत रहेका स्थानियवासी खिमबहादुर महतले करिव ३० लाखको योजना कहाँबाट पारे भन्ने कुरा पिपलधारका राजनैतिक दलहरुले थाह पाउन सकेनन् , त्यसैले पनि मुहानमा सहमति जुटाउन नसक्दा त्यो योजना तिन वर्षदेखि अलपत्र परेको छ ।
सहमति विना नै उनले वडा नम्वर ६ को पानीको मुहान दर्ता गराएर योजना पारेर उपभोक्ता समिति गठन गरी मुहानबाट काम के सुरु गरेका थिए वडा नम्वर ६ का दलितहरु ओईरिएर पानी लैजान दिएनन् । उनले फेरी अर्को मुहानबाट पानी लैजान पाईप ओछाए त्यहाँ पनि पाईप उखलेर फाल्ने काम भयो । पानीका लागि आफ्नै गाविसमा कुनै युद्धरत दुई मुलुक विचमा जस्तो ब्यबहार सहेका पिपलधार ३ वासी यति वेला चुनावमा जे संविधान बनाउन मतलव छैन तर पानी जुन दलले लिखीत रुपमा खुवाउँछु भन्छ त्यसैलाई भोट दिने अडान लिएर बसेका छन् । उनिहरु रातको ३ वजे उठेर तल खोलामा गएर एक गाग्रो पानी ल्याउछन् । खेती योग्य उर्वर भुमी छ तर सिचांईको अभावमा तरकारी खेती गर्न सकेका छैनन् । योजना पार्ने खिमबहादुर महत वडा नम्वर ३ वासीलाई कुनै एक ब्याक्तिको षडयन्त्रले पानी खानबाट बञ्चीत गराईएको आरोप लगाउदै आएका छन्. । एमाओवादी पिपलधारका अध्यक्ष महेन्द्र विसी, एमाले अध्यक्ष बाबुराम थापा र का्रग्रेस अध्यक्ष नविन जिसी लगायतका राजनैतिक दलका नेताहरु भन्छन् वडा नम्वर ३ का वासीन्दाले गाविसको राजनैतिक संयन्त्रलाई जिम्मा देओास् हामी पानी खुवाएरै छाड्छौ ।
उनिहरु महत एक्लैको अगुवाईमा खाने पानी योजना पारेको प्रति असन्तुष्ट छन् । महतले राजनैतिक दलहरुबाट सहमति जुटाउन नसक्दा योजनाका पाईप आफ्नो घरमा लगेर थन्काएका छन् । त्यो योजनाको काम सुरु गर्न जिल्ला खानेपानी तथा सरसफाई डिभिजन कार्यालयले धेरै पटक सहमति जुटाउने पहल ग¥यो तर सफल हुन सकेन । डिभिजन प्रमुख नारायणप्रसाद काफ्ले भन्छन् ‘हामी अझै पनि जिल्ला स्तरिय र स्थानिय राजनैतिक दलहरुबाट सहमति बनाएर उनिहरुलाई पानी खुवाउने प्रयासमा छौ । ’ अर्खले २ अत्तरकांडा गाउँको अवस्था पनि उस्तै छ । त्यहाँका जनताले पनि एक गाग्रो पानीका लागि डेढदुई घण्टा उकाले ओरालो धाउने गरेका छन् । स्थानिय अगुवा गोपाल मरासनी र रघु मरासनी आफ्नो गाउँलाई बहुदल नफापेको गुनासो गर्छन्. । ‘पञ्चायत काल मै तत्कालिन राष्ट्रिय पञ्चायतका सदस्य बैकुण्ठबहादुर चन्दले रेसुङ्गाको पानी धागीथुम ब्यारेकबाट सिधै अत्तरकांडामा पुराउने तयारी थियो’ उनिहरुले भने –‘त्यही बेलामा पञ्चायत ढल्यो, बहुदल आयो त्यसपछि पानीको कुरै हरायो । ’ त्यस गाउँका वासीन्दाले पनि अव यस पालीको चुनावमा जसले यो गाउँमा पानी खुवाउने प्रतिबद्धता जनाउछ उसैलाई भोट दिने बताउँदै आएका छन् ।
क्षेत्र नम्वर ३ को जैसीथोक ९ गोपेगाउँको अवस्था पनि उस्तै छ । गोपेगाउकाँ राजु ठकुरी भन्छन–‘ वर्षौं भयो हामीले पानीको साह्रै समस्या भोगेको तर जति वटा चुनावमा जतिवटा नेताहरुले आश्वासन दिए पनि पुरा हुन सकेन् । ’ सधै राती तिन बजे उठेर तल जुकेपानी पँधेरोमा नगए एक गाग्रो पानी पाउनै गाह्रो हुन्छ’ रौताडीका तुल्सीराम पोखरेलले भने –‘गोपेगाउँको ३८ घरधुरीको खाने पानी समस्या समधान गर्ने कोही भएन् ।’ ‘माथील्लो भुभागमा पानीको मुहान नहुँदा समस्यामा परेका हौ’ स्थानिय शेरबहादुर थापाले भने–‘ बान्द्रा खानेपानी योजनाबाट पानी दिने भने हामीलाई दिईएन् । ’ ८३ वर्षिय बृद्ध टोपबहादुर ठकुर्ी भन्छन्–‘ पहिला नेताहरुले गर्छन भन्ने थाह भएन बल्ल अहिले आश लागेको छ हाम्रो यो समस्या नेताहरुको कानमा पुराई दिनु होला । ’ हाम्ला त वानी वसो’उनले भने –छोरा छोरीले दुख मान्छन् ।’
शेरबहादुर भन्छन् –‘अव पहिला पानीको समस्या समधानमा प्रतिबद्धता अनि मात्र भोट भनेका छौ्र ।’ जिल्लाका माथील्ला भुभागमा वसोवास गर्ने जनताको खाने पानी समस्या विकराल छ । सवै भन्दा ठुलो समस्या खज्र्याङ्ग गाविसका जनताले भोग्दै आएका छन् । उनिहरुले एक गाग्रो पानीका लागि अढाई घण्टा खर्चिनु पर्छ र रातको दुई वजे राँको बाल्दै र गित गाउँदै पानी लिन हिड्नु त्यहाँका जनताका लागि सामन्य दिनचर्य बनेको छ । तम्घासमा बृहत लिफ्टीङ्ग सिस्टम खानेपानी योजना सम्पन्न भएपछि तल मुहान, माथी वस्ती भएका जनता त्यस्तै योजना माग गर्न थालेका छन् ।
जिल्लाका त्यस्ता वस्तीमा लिफ्टीङ्ग सिस्टम खाने पानी योजना जिल्ला विकास समितिको क्षमता भन्दा वाहिरको कुरा भएकोले माथील्लो निकयाबाटै रकम पर्नु पर्ने स्थानिय विकास अधिकारी हरिप्रसाद ज्ञवालीले बताए । ‘हामीले ५÷७ लाख सम्मका खाने पानी योजना वितरण गर्ने गरेका छौं’ उनले भने–‘त्यसरी २० औं वर्ष लाग्ने भएकाले लिफ्टीङ्ग सिस्टम खाने पानी योजना केन्द्रबाटै पर्नु पर्छ, त्यो जिल्लाको क्षमता भन्दा बाहिरको कुरा हो । ’
यसर्थ पनि केन्द्रका योजना पार्नका लागि दलका नेताहरुको प्रमुख भुमिका रहने भएकाले त्यस्ता वस्तीका जनताले को को नेतालाई पत्याउने हुन र ति नेताहरुले पनि कसरी बिश्वास दिलाएर भोट माग्न सफल हुने हुन् त्यो भने चुनावी परिणामले देखाउने छ ।

रेडियो कार्यक्रम ओझेलका खबर समग्रमा लुकेको-लुकाईएको, दबेको-दबाईएको आवाज हो । यो कार्यक्रमले समाजमा रहेका भ्रष्ट्राचार, अनियमितता र अन्य अनैतीक कृयाकलापहरुको डटेर समाना गर्दछ । साथै समाजका बिकृति-बिसंगती, ओझेलमा परेका स्थान र ब्याक्ती, हाम्रो कला सँस्कृतीको पनि खुलेर चर्चा गर्दछ । रेडियो रेसुङ्गाले उत्पादन गरेको बहुचर्चित रेडियो पत्रीका "ओझेलका खबर" हरेक सोमबार साँझ ७:१५ बजे रेडियो रेसुङ्गा र मंगलबार साँझ ७:१५ बजे रेडियो रिपब्लिक, बुटवलबाट प्रसारण हुने गर्दछ भने शुक्रबार बिहान सवा ९ बजे रेडियो रेसुङ्गाबाट पुन:प्रसारण सेमत हुने गर्दछ । त्यसै गरी यो कार्यक्रम ईन्टरनेटमा गुल्मीन्युज डट कममा पनि जुनसुकै बेला नयाँ पुराना अंकहरु सुन्न सकिनेछ ।
सुनौँ कार्यक्रम:

मोबाईलबाट सुन्न तल क्लिक गर्नुहोला ।
भाग १
भाग २
भाग ३

रबिन लिंङदेन, हङकङ - दोश्रो संविधानसभाको चुनावको मिति नजिकिदै गर्दा सात समुन्द्रपारी वस्ने नेपाली समुदायमा पनि चुनावी चहलपहल वढ्दो छ । चुनावी प्रचार गर्न एकीकृत नेपाली मञ्च हङकङले पाँच सदस्य समिति गठन गरेको छ । काउलून डिस्ट्रिक स्थीत फुलावारी कल्वमा आइतवार विहान मञ्चको वैठक वसि नैन सिं गुरुङको सम्योजकमा धिरेन्द्र राई, दुर्गा गुरुङ ‘मिलन’, रविन लिङदेन, अर्जुन रानामगर रहेको समिति गठन गरेको छ ।

वैठक पछि समिति सदस्य दुर्गा तमु ‘मिलन’ले यहाँका स्थानिय संचार कर्मीलाई भने ‘प्रवासवाट हामिले भोट लगाउन नपाए पनि चुनावमा मोर्चा र पार्टीको सवैखाले गतिविधिलाई सहयोग पु¥याउनको लागि यहाँवाट हामिले सानो प्रयास गरेका छौं । यस अघिनै भौतिक सहयोगको लागि हाम्रा पाच दर्जन जति साथिहरु नेपाल गई सक्नु भएको छ र अझै पनि हाम्रा साथिहरु जान तयारी गर्दै हुनुहुन्छ । उनिहरुले चुनाव सकिन्जेल आ–आफ्नो क्षेत्रमा रहेर काम गर्ने छन् ।’ तमु राष्ट्रिय मुक्ति मोर्चाको अध्यक्ष समेत रहेका मिलन भन्छन ‘सोइच्छाले सहयोग गर्न जस्लेपनि पाइन्छ ।’

समितिका अर्का सदस्य लिम्बुवान राष्ट्रिय मुक्ति मोर्चा प्रवास समिति हङकङका अध्यक्ष रविन लिङदेनले भने “चुनावमा हामिले मतदान गर्न त पाएनौं तर अहिलेको नेपाली समाजमा प्रवासमा रहेर पनि चेतना जगाउने काम भने गर्न सकिन्छ, जो जस्ले भोट दिन पाउछन उनिहरुको लागि चेताना जगाउने काम भने गर्न सकिन्छ त्यसको लागि हामी लागि नै परेको छौं ।”
हङकङमा एमाओवादीको आधा दर्जन जति सस्थामा करिव सातसयको संख्यामा कार्यकर्ता रहेको निर्वतमान पार्टी सचिव जेवी ओख्राबुले तवाए । ‘लिम्बुवान राष्ट्रिय मुक्ति मोर्चामा केन्द्रिय सदस्य मात्र १० जना छौं, त्यसतै गरि किरातीमा पाच जना, तमुमा चार जना, मगर मुक्ति मोर्चामा समेत मोर्चाको केन्द्रि सदस्यहरु रहेका छन् । सवै मोर्चामा संगठित सदस्य वाहेक आ–आफ्ना साधारण सदस्य समेत रहेको छन उनले भने ।’ ओख्राबु लिम्बुवान राष्ट्रिय मुक्ति मोर्चा नेपालको केन्द्रिय सचिवालय सदस्य समेत हुन ।पार्टीको सामाजिक संस्थाको रुपमा एक वर्ष अघि मात्र खुलेको मञ्चमा जातिय मोर्चाका अध्यक्षहरु त्यस्को सदस्य रहेर काम गरिरहेका छन् । मञ्चको अध्यक्ष धिरेन्द्र चाम्लिङ भन्छन् पार्टीका चुनावी रणनितिलाई सफल पार्न हामी खटिरहेको छौं ।
हङकङमा हाम्रो पार्टीलाई सहयोग गर्ने कार्यकर्ता धेरै नै छन, उनिहरुको सहयोग यहि साता भित्रमा पार्टी कार्यालयमा पुग्ने छ भन्दै यतिवेला हामी कसैलाई चन्दा माग्दैनौ चाम्लिङले भने । एमाओवादीको हङकङमा जिल्ला पार्टी कमिटि सहित आधा दर्जन संगठन सक्रिय भएर गतिविधिहरु संचालन गरिरहेको छ । जसअन्तरगत, एकीकृत नेपाली मञ्च, पार्टीको सामाजिक सस्था अन्तरगत रहेको छ भने लिम्बुवान राष्ट्रिय मुक्ति मोर्चा, तमु राष्ट्रिय मुक्ति मोर्चा, किराती राष्ट्रिय मुक्ति मोर्चा, मगर राष्ट्रिय मुक्ति मोर्चा रहेको छन ।

हङकङमा अन्यपार्टीले समेत आफ्नो सस्था विस्तार गरेको छ । संघिय समाजवादी पार्टीले केहि महिना अघि मात्र ‘समावेसी नेपाली समाज’ खोलेर दुईवटा सक्रिय सस्था निर्माण गरेको छ । कांग्रेसको ‘जनसम्पर्क समिति’ र एमालेको ‘नेकपा एमाले हङकङ’ एक–एक सस्था मात्र रहेको छ ।

राम सुवेदी
यतिवेला संविधानसभाको कुरा हरेक राजनैतिक दलहरुका लागि चाहेर वा नचाहेर मुखको मन्त्र बन्न पुगेको छ । संविधानसभाले देशको संक्रमणकालको अन्त्य गर्छ, मूल कानुन ल्याउँछ, एक युगमा एक पटक जनताले आफ्नो अधिकार प्रयोग गरेर आफ्नो भविश्य कोर्ने महत्वपूर्ण स्थानमा उभिएका परिवेश, जस्ता जनमुखी र प्रचारवाजीका मीठा कुरा जनताले पनि सुनिरहेका छन् । नेता र पार्टी बोलिरहेकै छन् तर त्यससँग जोडिएको अर्को प्रशंग भनेको नेपालको मूल कानुन लेख्ने संविधानसभाको निर्वाचन र त्यससँगै जोडेर जनमत आफ्नो पोल्टामा पार्न भन्दै जानेर वा नजानेर अहिलका दलहरुले गरिरहेको अनुशासन हिन गतिविधि के गाउँ, के शहर के बजार कतै हेरि सक्नु र देखि सक्नुको छैन् ।
यस्ता अनैतिक संस्कार बोकेका नेतृत्वलाई संविधानसभाको निर्वाचन के हो ? र के का लागि भन्ने विषय नै अहिले ओझेलमा परेको छ । निर्वाचनका बेला निर्वाचन आयोगले दलहरुलाई यो गर्ने, यो नगर्ने भन्ने अनुशासनको कसी लगाइरहेको भनिएकै वेला पार्टीहरु त्यसको खुलेआम उल्लंघन गर्नुले उनीहरुको अनुशासन र नियत प्रति प्रश्न उठिरहेको छ । जनता उनीहरुको यो गतिविधि हेरेरै दिक्क छन् ।  देशमा शान्ति कायम गर्ने, जनतालाई सहज तवरले उनीहरुको जनजीविका र मौलिक अधिकारको सुनिश्चितता गर्न देशमा मुल कानुन चाहिएको बेला सामान्य आचार संहिता नमान्ने पार्टीहरुले कस्तो कानुन बनाउलान ? भोली उनले बनाएको कानुन जनतामा लागु गराउलान ?  त्यो भने आजको गतिविधिले पत्याउनै नसक्ने देखिएको छ ।
मान्छे बोल्छ, चल्छ, उड्छ, हिड्छ विभिन्न गतिविधि गर्न मन पराउँछ, किन कि उसलाई सचेत प्राणी भनिएको छ । सचेत प्राणीको जुन अस्तित्व र ईमान हो त्यसलाई क्रमशः स्वयं आफैले त्याग्दै गइरहेको छ । कारण उसको आफ्नो व्यत्तिगत स्वार्थ त्यहाँ जोडिएको छ । जसले उसलाई आफ्रनै नैतिकता र ईमान बेचिएको थाहा छैन । यतिवेला राजनीति गर्नेहरुले भन्ने गरेको भाषा नेपाल यस्तै संक्रमणमा अल्झिरहेको छ । संक्रमण ल्याउने यहीको राजनैतिक नेता र नेतृत्व पार्र्टी हुन्, यसलाई लम्ब्याईले खेलमा पनि कहिं न कहिंबाट उनीहरुकै चलखेल छ । त्यो विषयमा उनीहरुलाई कत्ति हेक्का छ त्यो उनीहरुको गतिविधिले प्रस्ट पादै आएको छ । देशमा यसखालको संक्रमणबाट मुक्त गराउने भन्दै  सबै दलहरुले त्यसको उक्तम विकल्पको रुपमा संविधानसभा अचुक अस्त्रको रुपमा जादुको छडि हो भन्दै आएकाछन् तर उता हिजोको गतिविधि र आजपनि उनीहरुको पूरानै कार्यशैलीले फेरि पुरानै अवस्थाको पुनरावृक्ति नहोला भन्ने कतै ठाउँ वाँकी राखेका छैनन् । हिजो संसद देखि सरकारसम्म पुग्दा राजनैतिक पार्टी र नेतृत्वमा देखिएको व्यक्तिगत स्वार्थसँगका यि र यस्ता गतिविधिले नेपाली जनमानसमा ठेस पुगेको थियो भन्ने आजपनि उनीहरुलाई महसुश छैन ।
 चुनावमा कसरी आफ्ना पक्षमा जनमत सिर्जना गर्ने भन्ने विषयमा गरिएका उत्तौला क्रियाक्लाप, प्रचार प्रसारका नाममा गरिएका व्यर्थका खर्च, नीति, नियम र कानुनै मिचेर गरिएका अनैतिक व्यवहारले उनीहरुको गतिविधि मन नपर्ने त एकापट्टि रहलान् तर यस्तै बदमासी गर्नेहरु भोलि निर्वाचनमा विजयी बन्ने र संविधानसभाको निर्वाचनमा पुगेभने आफ्नो भविश्य चाहने नेपाली जनताले के पाउलान ? चुनावको मुखमा आएर पार्टीहरुले अहिले देखाएको गतिविधिमा आचारसंहिता विपरितका कार्यहरु जस्तो विभिन्न सरकारी कार्यालय तथा विद्यालय, सार्वजनिक स्थलहरु एवं अनुमति विना जनताका घरघरमा जवरजस्तीरुपमा टाँगिएका पोष्टर पम्प्लेटिङ, आफ्नो पार्टीको विधान भन्दा माथि उठेर बनाइएको ठूला आकारका झण्डा, विभिन्न बजार क्षेत्रमा टाँगिएका होडिङ बोर्ड, विभिन्न स्थानमा जततालाई पैसा दिएर मागिएको मत र विभिन्न विकासे आश्वासनहरु कुन हैसियत र अनुशासनका कुरा हुनपुगे ? आम जनमानसमा यस्तै प्रश्न उव्जिरहेकाछन् । एकातिर अहिलेको राजनैतिक संस्कारमा कसरी ? कुन बहानामा हुन्छ निस्तेज गर्ने पार्टीहरुको पुरातनवादी सोंच र त्यसमाथि अनावश्यक तढ्क भडक गरि आफ्नो शक्तिको हैकम जनतालाई देखाईने उत्तौलो खेल नै सर्वमान्य बनिरहेको छ । अर्कातिर सर्व साधारणलाई विभिन्न प्रलोभन र आसा भरोसा दिलाएर उनीहरुको मतदान गर्ने स्वतन्त्र अधिकारलाई हनन् गर्ने प्रयत्न समेत भइरहेका देखिएकाछन् ।  तसर्थ नेपाली राजनीतिमा देखिएको यसखालको अनुशासन हिन गन्तव्य कहिलेसम्म कायम रहने हो र नेपाली नागरिकले आफूलाई स्वतन्त्रताको महसुस कहिले गर्ने अर्को सवाल बन्दै गइरहेको छ ।
निर्वाचन आयोगले यस्ता कार्य गर्न बन्देज त गरेको छ त्या केवल कागजमा सिमित बन्दै गएको यथार्थलाई जनतासमक्ष कसरी होईन भन्ने पुष्टि देला निर्वाचन आयोगले ? अर्को प्रश्न उतातिर पनि फर्किएको अवस्था हो । यसरी निर्वाचन आचार संहिता मिचिएको छ भनेर भन्दा भन्दै पनि त्यसको नियमन गर्ने संस्थाको उपस्थिति जनताबीच कहाँ राखिएको छ ? यसको निगरानी र नियमन अव कस्ले गरिदिने, सवाल यहाँ पनि जटिल छ । सर्व साधारणलाई उजुरी गर हामी कार्वाही गछौं निकायको यही जवाफ हो ? उता उजुरी उपर कार्वाही गर्न फेरि त्यो सर्व साधारणलाई प्रमाण पनि जुटाउनु पर्ने होला ? त्यो प्रमाण वोकेर आम सर्वसाधारणलाई निकायसम्म पु¥याउन राज्यले के व्यवस्था मिलाएको होला ? वा कुरा जहाँ गरियो यस्तै हो भनेर सेलाउँदै जाने भएपनि फेरि उजुरी  र कार्वाहीको कुरा वित्थ्यामा किन गर्नु उचित होला र ?
निर्वाचनलाई शान्त, निष्पक्ष र भएरहित बनाईने भन्दै विभिन्न शीर्षकमा वजेट विनियोजन गरिएको छ । ति र तिनका कार्यालय, कर्मचारी सदरमुकाम वा एक कार्यालयका कोठामा त्यो पनि कागजमा मात्र सिमित राख्ने प्रयत्न भइरहेका अवस्था विधितै छ । फरक मत राख्ने कसैको हिम्मत छ भने, त्यो जवाफ चाहियो, आम जनताले यस्तो अवस्थामा कहाँ कसरी कहिले भयरहित, निष्पक्ष र धादलिरहित चुनावमा सहभागीता जनाउलान ? त्यसको ग्यारेन्टी जनसमक्ष आएर बोल्ने हिम्मतवाला निकाय को हो ? र कहाँ छ ? छ भने जनता सहज रुपमा किन भेट्याउँदैन ? देखिनु प¥यो जनता यहि चाहिरहेका छन् । प्रष्ट थाहा छ आयोगको कार्यालय जिल्ला केन्द्रित छन् । क्षेत्रिय निर्वाचनसम्बन्धि काम गर्ने निकायहरु सदरमुकाम केन्द्रित गरिएको छ । गाउँ गाउँमा, त्यसमाथि पनि दुर्गम क्षेत्रमा जसले जे गरेपनि त्यसको अनुगमन गर्ने कस्ले र को हो ? यो प्रश्नको जवाफ जनतालाई कस्ले दिने हो ? प्रश्न प्रश्नमै सिमति बन्दै छ ।
आखिर जनतालाई चुनाव चाहने र नचाहनेहरुको कित्तामा वाँडेर पनि राजनैतिक दलहरुले कुनै न कुनै प्रकारले डर, धम्की र त्रासमय वातावरण सिर्जना गरेकै हुन् ।  संविधानसभा र जनताको भविश्यसँग उनीहरुको जीवनमाथि खेलवाड गरिने परिवेश सिर्जना भएकै हो । यसमा पनि कुनै दुईमत छैन् । होईन भने कसैले निर्वाचनमा आऊ, त कसैले निर्वाचनमा नजाऊ किन भनियो ?  कुरा जसले जता र जसरी आफ्नो पोल्टामा पार्ने कोसिस गरेपनि जनता प्रत्यक्ष वा अप्रत्यक्ष दलहरुका गुलाम बन्ने वातावरण बनेको वास्तविकता हो । यहाँ कुनै पार्टी, राजनीतिकर्मी, नेता वा उमेद्वालाई दोषि देखाउन खोजिएको नभई त्यहाँ देखिएको संस्कार र त्यही संस्कार र संस्कृतिमा हुर्किएको राज्यले जनता प्रति देखाएको गतिविधि यस्तै बोल्दै छ । जनता यस्तै भोग्दै छ ।  वहाना अनेक गरिएलान तर अन्ततः चाहे राजनीति होस् चाहे राज्य र त्यसमां जोडिएका निकाय हुन् चाहे कुनै अन्य व्यक्ति विषेश जो सुकै भएपनि यथार्थलाई भुलभुलैयामा राख्ने प्रयत्न भइरहेको छ । जहाँबाट जो जसलाई परिचालित गरिएको छ, परिचालित भइएको छ उही ठाउँबाट त्यसको उपहास भएको छ । यसले वास्तवमा जारि संविधानसभाको प्रशंगको कुरा र यससँग जाडिएको आचार संहिता उल्लंघनका सवालहरुले जुन जनमत पार्टीहरुले गुमाईरहेकाछन् । त्यसले उनीहरु अनुशासित र ईमान्दार छैनन् भनने प्रस्ट्याएको छ । सँगै जोडिएको संविधान लेखनको कुरा त्यो जनमुखी नभई यस्तै नेता, नेतृत्व र पार्टी ईतर नहोला कस्ले भन्न सक्छौं ? यस्तै संस्कार र संस्कृति दलहरुमा हावी हुनु नै विगतको संविधानसभा मृत्युशैयामा पु¥याउने कोसिस फेरि भोलि नहोला भन्ने विश्वास गर्ने स्थान कहाँ रहला ? यस्तो तढक देखाउने नेता भोली भ्रष्ट्र हुँदैनन् हामीले पत्याउने ठाउँ कहाँ छ ? लाखौं करोडौं रुपैयाँ खर्चेर निर्वाचनमा होमिएका उमेद्वारले फेरिपनि सुत्केरी भत्तादेखि, रातो पास्पोर्ट दुरुपयोग, सरकारी साधनको दुरुपयोग, नगर्लान जनताले कसरी विश्वास गर्नु ?
जे होस राजनीतिमा देखिएको कुसंस्कार र अनुशासनमा नरहने तिनका नेता र नेतृत्व नसुध्रिए नेपाली जतताले हिजोका दिनमा बलीदानीपूर्ण आन्दोलनबाट अपेक्षा गरेको प्रजातन्त्र, लोकतन्त्र वा गणतन्त्र कसरी सुदृढ होला चिन्ता र चासोको विषय बनेको छ । जनता आफूपनि सचेत र आफु ईतरका पार्टी नेतृत्व तथा नेतालाई सचेत बनाउनु आजको आवश्यकता रहनेछ । त्यो अभिभारा नेपाली जनताले नै लिनु पर्नेछ ।
कुनै सुझव सल्लाह र प्रतिक्रिया दिन चाहनुहुनछ भने
burtibangweekly2010@gmail.com
cel. 9847722430

(सुबेदी सामुदायिक रेडियो परिवर्तन, बाग्लुङका स्टेशन म्यानेजर हुन् ) 

-कल्पना पौडेल 'जिज्ञासु'

टिक टिक टिक
फेरी फोनको घन्टी बज्यो
फोन उठाउदै हेल्लो भने
मेरो  छोरा (सोनु) थियो
हेल्लो ममी हजुर कहिले घर आउने?
उही पुरानै सवाल
उफ्फ्फ्फ
मेरो पनि त्यही पुरानै जवाफ
अर्को साल आँउछु बाबु
हरेक साल त्यही अर्को साल
पर्खेर बसेको छ त्यो अबोध बालक
मनभरी धेरै आशा सँगालेर
टुकु टुकु हिँड्थ्यो मेरो सोनु
त्यही बेला जब म प्रदेश लागेकी थेँ
तोते बोलिमा आमा भनेको पनि
यसै फोनबाट सुनेकी थिए
कुरा गरुन्जेल त सँगै भएको
र
उस्को गाला सुम्सुमाएको
आभास गर्दै गहभरी आँशु पार्छु
कस्तो होला मेरो मुटुको टुक्रा
कल्पनामा बहकिन थाल्छ मन
भाबुक हुन्छु स्पर्सले छुन नपाउँदा
भक्कानिन्छ, छाती चिरिन्छ
कठै!
यि सवालको के जवाफ दिउँ म
अर्को साल आँउछु भन्दा भन्दै
बर्षौँ बित्यो नि ममी
कस्तो हुन्छ र त्यो धन?
सन्तानको माया भन्दा पनि ठुलो ??
कसरी सम्झाँउ
मेरा बाध्यताहरु सन्तानबाट टाढिनाको
पिडा ब्यथा त्यो मासुम बालकलाई
उफ्फ्फ्फ
लामो श्वास फेर्छु
सात साल हुँदा पनि अझै होमसिकले
छोडेको छैन मलाई

सालहरु आउँछन जान्छन
क्यालेन्डरका रङिन पानाहरु
च्यातिएर फ्याँकिन्छन
न त म घर फर्किने दिन आउँछ
न अर्को साल आउछु भन्न नै छोड्छु

भै गो ममी सधैं मलाई यसरी नै ढाँट्नु
हुन्छ किन आउनु पर्‍यो र बिदेशमै
रमाइलो होला रमाएर बस्नुस् भन्दै
फोन काटिन्छ उताबाट
अनी
म पनि आफु माथिको यो जिम्बेवारीको
बोझ एक पलका लागि कतै मिल्काउन
पाए कस्तो हुन्थ्यो होला भन्दै आफ्नो
लाचार र बिवश किस्मतलाई धिक्कार्दै
भुँईमा थ्याच्छ बसेर
रुन थाल्छु
सुँक्क सुँक्क गर्दा गर्दै
डाँको छोडेर
यसरी नै बितेका छन मेरा
प्रबासी दिनहरु.......


गैंडाकोट ४ नवलरासी
हाल इजरायल

काठमाडौं, कार्तिक १२ । नेकपा माओवादीका अध्यक्ष मोहन वैद्य किरणले मंगलवार एक विज्ञप्ति निकालेर वार्ताका लागि आवश्यक पहल गर्न राजनीतिक दल, नागरिक समाज र बुद्धिजीवीहरुसँग अपील गर्दै चुनाव स्थगन गरी वार्ताबाट समाधान खोज्न चार दल र सरकारसँग अनुरोध गरेका छन् ।
विज्ञप्तिमा ३३ दलीय मोर्चाको सर्वपक्षीय गोलमेच सभाको प्रस्तावलाई गम्भीरता पूर्वक लिएर परिणाममुखी वार्ता मार्फत निकास खोज्न चार दललाई विशेष अनुरोध गरिएको छ । नेकपा माओवादीले समस्या समाधानका लागि समय छँदै गंभीर बन्न आग्रह समेत गरेको छ ।
उम्मेदवार माथि आक्रमण, गाडीमा आगजनी र चुनाव विरुद्ध विभिन्न गतिविधिमा सक्रिय माओवादीले वार्तामा जोड दिएको हो । माओवादीले चुनाव बहिष्कार गर्नु आफूहरुको अधिकार भन्दै बहिष्कार आन्दोलनमा रोक लगाउने, नेता कार्यकर्तालाई गिरफ्तार गर्ने र मुद्दा लगाउने सरकारी कदमको भर्त्सना समेत गरेको छ ।

कोपिला कँडेल
बागलुङ, कार्तिक १२ । नेकपा–माओबादी सहितको ३३ दलिय मोर्चाले आफ्ना नेता तथा कार्यकर्ताको रिहाईको माग गर्दै यातायात बन्दको आव्हान गरेको छ। मोर्चाले मंगलवार बागलुङमा पत्रकार भेटघाटको आयोजना गरी यहि कार्तिक १४ गते बन्दको आयोजना समेत गरेको जानकारी गराएको हो ।

आफुहरुको निर्वाचन बहिष्कारको कार्यक्रम अन्तर्गत ३३ दलिय मोर्चाका नेता तथा कार्यकर्ता लाई गिरफ्तार गरेको भन्दै धौलागिरीका सम्पुर्ण यातायात बन्दको घोषणा गरेको हो ।

मोर्चाले शान्तीपुर्ण रुपमा निर्वाचन बहिष्कारको बारेमा जनतालाई सचेत पार्ने क्रममा मोर्चाका कार्यकर्तालाई सरकारले विभिन्न मुद्दा लगाई फसाउन खोजेको र अनावश्यक रुपमा धरपकड गरेको भन्दै यातायात बन्द आव्हान गरिएको मोर्चाका सह–संयोजक ऋषिराम रोकाले बताए । उक्त दिन एकिकृत माओबादीका अध्यक्ष प्रचण्ड बागलुङ, पर्वत र म्याग्दी आउने कार्यक्रम रहेको छ ।

प्रचण्डको कार्यक्रमलाइ लक्षित गरेर बन्द आव्हान गरिएको हो भन्ने पत्रकारको जिज्ञासामा मोर्चाका नेता रोकाले भने प्रचण्डको आफ्नै कार्यक्रम होला, हाम्रो आफ्नै कार्यक्रम हो । उनलाई कसैलाई लक्षित नभई मोर्चाका कार्यकर्ता रिहाइको लागि बन्द गर्नुपरेको बताए ।

खिलराज नेतृत्वको सरकार र मुख्य ४ दलका शिर्ष नेताको सिण्डिकेटका कारण देशमा मुठभेडको अवस्था आएको भन्दै नेकपा एकिकृतका केन्द्रीय सदस्य एबं मोर्चाका सदस्य निलबहादुर पुनले नेकपा–माओबादीका कार्यकर्ता एबं ३३ दलिय मोर्चाका सदस्य लालबहादुर तमुलाई अमानवीय तरिकाले पक्राउ गरी यातना दिएको भन्दै तत्काल तमु सहितका सम्पुर्ण नेता तथा कार्यकर्ताको रिहाई गर्न माग गरे ।

३३ दलिय मोर्चामा बागलुङमा नेकपा–माओबादी र नेकपा एकिकृत आवद्ध छन् । पत्रकार सम्मेलनमा नेकपा एकिकृतका जिल्ला नेताहरु देखिएपनि माओबादी जिल्ला नेताहरु भने एकाध मात्र देखिएका थिए ।

स्याङ्जा, कात्तिक १२ । स्याङ्जाको चापकोटमा प्रहरीको गोली लागी दुईजना सर्वसाधारण मृत्यु भएको छ । गोली लागि चापाकोट ६ का २१ वर्षका सूर्य आले र चापकोट ३ का कृष्ण भट्टराईको मृत्यु भएको प्रहरीले जनाएको छ ।

असोज २७ गते झुण्डिएको अवस्थामा भेटिएकी चापाकोट ५ कि माया बिकलाई परिवारले हत्या गरेको भन्दै प्रहरी चौकी चापाकोट घेर्न पुगेका स्थानीयवासीले प्रहरीमाथि आक्रमण गरेपछि प्रहरीले गोली हानेको हो ।

गोली लागेर ४ जना प्रदर्शनकारी र प्रदर्शनकारीको ढुंगा लागेर प्रहरी निरीक्षक कृष्ण थापाको बायाँ हात भाँचिएको छ भने ५ जना म्यादी प्रहरी पनि घाइते भएका छन् ।

भिडियो हेर्न तल क्लिक गर्नुहोला । 

गगनशिला खड्का
गुल्मी, कार्तिक १२ । ईन्टरनेट मार्फत सन्चालित अन्लाईन "मिनी पोलमा" गुल्मीका दुई क्षेत्रमा अहिले सम्म नेकपा एमालेले अग्रता कायम गरेको छ । विगतको संविधान सभाको निर्वाचनमा गुल्मीमा एउटा मात्र सिट जितेको नेकपा एमाले यसपाली भने दुइवटा क्षेत्रमा अगाडी देखिएको छ ।
अनलाईन मिडिया गुल्मी न्युज डटकमले सञ्चालन गरेको आगामी संविधान सभाको निर्वाचनमा गुल्मीका तिनवटै निर्वाचन क्षेत्रबाट को-कस्ले जित्लान ? भन्ने "मिनी पोल" को सर्बेक्षणमा अहिलेसम्म गुल्मी क्षेत्र नम्बर २ का उम्मेदवार तथा पुर्व पर्यटन मन्त्री प्रदिप ज्ञवाली र क्षेत्र नम्बर ३ मा उम्मेदवार तथा पुर्व उर्जा मन्त्री गोकर्ण बिष्ट अगाडी देखिएका छन् ।
गुल्मी क्षेत्र नं २ का उम्मेदवार प्रदिप ज्ञावली यो समाचार पार्दा सम्म कुल ४५८ भोट मध्य २ सय १६ (४७ प्रतिशत) मतका साथ अग्रस्थानमा हुनुहुन्छ भने उँहाका प्रतिस्पर्धी नेपाली कांग्रेसका उम्मेदवार चन्द्र भन्दारी कुल १७९ मतका (३९ प्रतिशत) साथ दोस्रो स्थानमा हुनुहुन्छ । त्यसैगरी एकिकृत नेकपा माओबादीका उम्मेदवार अशोक थापाले ५५ मत (१२ प्रतिशत)  प्राप्त गर्नुभएको छ ।
उता निर्वाचन क्षेत्र नं ३ मा पनि अनलाईन मत सर्बेक्षणमा एमालेका उम्मेदवार गोकर्ण बिष्ट अगाडि छन् । गुल्मी निर्वाचन क्षेत्र नं ३ का नेकपा एमालेका प्रत्यक्ष उम्मेदवार गोकर्ण विष्टले कुल १४८ मध्य ८१ मत (५४ प्रतिशत) का साथ अग्रस्थानमा हुनुहुन्छ भने उहाँका प्रतिस्पर्धी नेपाली काँग्रेसका त्रैलोक्य प्रताप सेनको ३५ मत (२३ प्रतिशत) का साथ २१ प्रतिशत र एकिकृत नेकपा माओबादीका बामदेब क्षेत्रीको २८ मत (१३ प्रतिशत) प्राप्त गरेका छन् । यी तीन उम्मेदवार बाहेक अन्य उम्मेदवारहरुको पक्षमा भने जम्मा ४ मत अर्थात २ प्रतिशत मात्र मत परेको छ ।
यता नेकपा एमालेकी लुम्बिनी अञ्चलकै एकमात्र प्रत्यक्ष तर्फकी महिला उम्मेद्वार मैना भण्डारीको निर्वाचन क्षेत्र नं १ मा भने एमाले दोस्रो स्थानमा रहेको छ । क्षेत्र नं १ मा नेपाली काँग्रेस पहिलो, एमाले दोश्रो र एकिकृत नेकपा माओबादी तेश्रो  स्थानमा छन् । मिनी पोलका अनुसार निर्वाचन क्षेत्र नं १ मा नेपाली काँग्रेस, एनेकपा माओबादी र नेकपा एमालेका उम्मेदवार बिच अत्यन्तै प्रतिस्पर्धा रहेको देखाउँछ । उनिहरुबिच १० भन्दा कम मतको फरक मात्र रहेको देखिन्छ । नेपाली काँग्रेसका उम्मेदवार कृष्ण बहादुर छन्तेल यो समाचार तयार पार्दा सम्म कुल १५९ मत मध्य ६२ (३८ प्रतिशत) का साथ अग्रस्थानमा हुनुहुन्छ भने उहाँका प्रतिस्पर्धी नेकपा एमालेकी मैना भण्डारी ४९ मत (३० प्रतिशत) का साथ दोस्रो स्थानमा र एकिकृत नेकपा माओबादीका शुदर्शन बराल ४२ मत (२६ प्रतिशत) का साथ तेस्रो स्थानमा हुनुहुन्छ । उहाँहरुका अलावा अन्य उम्मेदवारहरुमा ६ मत अर्थात ३ प्रतिशत भोट परेको छ ।
एउटा आईपी ठेगानाबाट एउटा डिभाईसबाट एकपटक मात्र भोट गर्न मिल्ने यो मिनी पोलमा निर्वाचनको दिन सम्म भोट गर्न मिल्ने गुल्मीन्युज डट कमका संचालक सन्जु काउछा मगरले बताए ।
यो मिनी पोलमा तपाईं पनि सामेल हुन चाहनुहुन्छ भने यहाँ क्लिक गर्नुहोला ।

गगनशिला खड्का
गुल्मी, कार्तिक ११ । नेकपा एमालेका निर्वाचन क्षेत्र न ३ का प्रत्यक्ष उम्मेद्वार गोकर्ण विष्टले नेपालको विग्रदो राजनितिक अवस्था सच्याउनको लागि भएपनि संविधान सभामा आफ्नो उपस्थिीति अनिवार्य जस्तै रहेको बताउनुभएको छ । उहाँले विगतमा राष्ट्रिय राजनितिमा आफुले खेलेको भुमिका र २०६४ को संविधान सभाको मस्यौदामा एमालले राख्ने अडानका विषयमा पनि भुमिका निर्वाह गरेको बताउनुभयो ।
विष्टले हारेको समयमा त त्यस्तो खालको भुमिका निर्वाह गर्ने अवसर मिलेको थियो भने अव आगामी संविधान सभामा जनताले विषेश गरी गुल्मी क्षेत्र नं ३ का मतदाताले आफुलाई विजयी गराई प्रत्यक्ष रुपमै संविधान निर्माण गर्ने जिम्मेवारी दिने बताउनुभयो । चुनावी प्रचार—प्रसारको क्रममा निर्वाचन क्षेत्रमा रहनुभएका विष्टले उर्जामन्त्री रहदाँखेरी नेपालमा प्रमुख समस्याको रुपमा रहेको लोडसेडिङ्गलाई कम गर्ने, नेपाल विधुत प्राधिकरणमा उठ्न वाँकी रहेको धेरै बक्यौता रकम उठाउन आँफैले सिंहदरवारमा रहेका केही मन्त्रालयको लाईन काट्ने, उर्जामन्त्रीको पद छोडिसकेपछि मन्त्रालयवाट हिडेरै घरसम्म जाने जस्ता कामले अन्तर्राष्ट्रिय समुदायमै प्रशंसा भएको थियो ।

लेडी गागा आफ्ना समर्थकहरुलाई मनोरन्जनसँगै बिभिन्न हर्कतबाट झड्का दिन कहिल्यै पछि पर्दिनन् । शुक्रबार जी-ए-वाई मा उनी भुतको ड्रेसमा उपस्थित भइन् ।
२७ वर्षीया गागा पेटिकोट शैलीको सेतो गाउनमा मञ्चमा उपस्थिति भएकी थिइन् । तर, उनी त्यतिमा रोकिने वाला थिइनन् । योनउत्तेजक प्रस्तुतीका कारण चर्चा र विवादमा आउने उनका समर्थक त्यसबेला आश्चर्यमा परे, जतिबेला गागा मञ्चमै नाङ्गइिन् । हेरौ सोही कार्यक्रमका केही तस्बिरहरु, साथमा भिडियो पनि:





भिडियो हेर्न तल क्लिक गर्नुहोला ।

काठमाडौँ, १२ कात्तिक । मन्त्रिपरिषद्का अध्यक्ष खिलराज रेग्मीले आजको तीन सातापछि संविधानसभाको निर्वाचन सफलतापूर्वक सम्पन्न गरेर नेपाल नयाँ युगमा प्रवेश गर्ने उल्लेख गर्दै निर्वाचन नै अवरुद्ध राजनीतिक प्रक्रियाको उत्तम विकल्प भएको बताउनुभएको छ ।

    अठसट्ठीऔँ राष्ट्रसङ्घीय दिवसको अवसरमा आज ललितपुरस्थित  राष्ट्रसङ्घीय कार्यालयमा आयोजित एक कार्यक्रममा उहाँले विघटित संविधानसभाले गरेका कामबाट पाठ सिकेर समग्रतामा अबको चुनावले शान्तिप्रक्रियालाई पूर्णता दिने बताउनुभयो ।

    “नयाँ संविधान लेखनका साथै राजनीतिक स्थायित्वको आधार, समावेशी आर्थिक उन्नयन एवम् विकासलाई सुनिश्चित गर्न आगामी निर्वाचन महत्वपूर्ण हुनेछ,” उहाँले भन्नुभयो– सबै वर्ग, जाति, समुदाय, लिङ्ग र भौगोलिक क्षेत्रका जनताको प्रजातान्त्रिक अधिकार स्थापना गर्नेछ ।

    राष्ट्रसङ्घीय दिवसले हामी सबैलाई शान्ति, सुरक्षा, विकास र विश्वका सबै जनताको स्वतन्त्रताका लागि सहकार्य गर्न प्रेरणा प्रदान गरोस् भन्दै अध्यक्ष रेग्मीले यस दिवसका अवसरमा महासचिव बानकी मुनले जारी गर्नु भएको सन्देशप्रति नेपालको ऐक्यबद्धता प्रकट गर्नुभयो ।

    मानव समुदायको विकास, विश्वका विभिन्न भागमा उत्पन्न समस्या समाधानका लागि विश्व संस्थाले गरेका समाधानका बहुपक्षीय प्रयास एवम् समझदारीको खोजीका कारण राष्ट्रसङ्घ नेपालीको मन र मस्तिष्कमा रहेको बताउँदै उहाँले राष्ट्रसङ्घको वडापत्रप्रति नेपालको अविछिन्न विश्वास रहेको उल्लेख गर्नुभयो ।

    लामो सङ्क्रमणबाट निस्केर दिगो शान्ति एवम् राजनीतिक स्थायित्व कायम गर्नु नेपाल र नेपालीको अहिलको चाहना भएको उल्लेख गर्दै उहाँले न्याय र समानतामा आधारित दिगो विकास हासिल गर्न इस्तानबुल कार्ययोजना कार्यान्वयनको तयारीमा सरकार रहेको जानकारी दिनुभयो । सहस्राब्दी विकास लक्ष्यको प्राप्ति र सन् २०२२ मा नेपाललाई विकासशील मुलुकमा स्तरोन्नति गर्ने लक्ष्यका साथ सरकार अघि बढेको पनि उहाँले बताउनुभयो ।

    विश्व समुदायको शान्ति, प्रगति एवम् शान्ति प्राप्तिका निम्ति राज्यहरूबीचको सहकार्य र सहयोगका लागि वडापत्रमा निहित उद्देश्य र सिद्धान्तहरू प्रेरणाका स्रोत हुन् भन्दै अध्यक्ष रेग्मीले अन्तर्राष्ट्रिय शान्ति–सुरक्षा, स्वतन्त्रता एवम् मानव अधिकारको सुनिश्चितता, दिगो समृद्धि र साझा चासोका समस्या समाधान गर्ने संस्थाको रुपमा राष्ट्रसङ्घ केन्द्रमा रहेको बताउनुभयो ।

    “गरिबी विश्वव्यापी समस्या हो र दिगो विकासका निम्ति गम्भीर व्यवधान हो, यसविरुद्ध लड्न उपलब्ध स्रोतको सबै पक्ष र स्थानबाट उपयोग हुनुपर्छ,”–उहाँले भन्नुभयो– सहस्राब्दी विकास लक्ष्यलगायत अन्तर्राष्ट्रियरुपमा सहमति जनाइएका विकासका लक्ष्य प्राप्त गर्न सामूहिक प्रयासको खाँचो छ ।

    वित्तीय तथा आर्थिक  सङ्कट, जलवायु परिवर्तनको कुप्रभाव र दैवी विपत्तिका घटनाले अन्तर्राष्ट्रिय समुदायलाई एकीकृत ढङ्गले काम गर्न झक्झक्याएको वास्तविकता पनि उहाँले औँल्याउनुभयो । विकासका उपलब्धिको दिगोपना, सुनिश्चितता र विकासको गतिलाई अझ तीव्र बनाउन अन्तर्राष्ट्रिय समुदायबीच सहकार्य हुनुपर्नेमा उहाँको जोड थियो ।

    आम विनाशका हतियारको भण्डारण र घातक अस्त्रहरूको बढ्दो बिगबिगीले विश्वका विभिन्न भागमा तनाब र द्वन्द्व निम्त्याएको र त्यसले मानव सभ्यताको अस्तित्वलाई जोखिममा पारेको चर्चा गर्दै अध्यक्ष रेग्मीले निःशस्त्रीकरण एवम् हातहतियारको उत्पादन÷प्रयोग निमिट्यान्न पार्न पनि एकीकृत प्रयास अपरिहार्य भएको बताउनुभयो ।

    संसारका समस्याग्रस्त विभिन्न मुलुकमा शान्तिसेना परिचालन गरेर राष्ट्रसङ्ले विश्व शान्ति एवम् सुरक्षा कायम गर्न निर्वाह गरेको भूमिकाको प्रशंसा गर्दै उहाँले शान्ति सेनामा नेपालको निरन्तर योगदान रहने प्रतिबद्धता व्यक्त गर्नुभयो ।

    विस्तृत शान्ति सम्झौतामा हस्ताक्षर भएपछि नेपालको शान्ति प्रयासमा राष्ट्रसङ्को महत्वपूर्ण भूमिका रहेको स्मरण गर्दै उहाँले यहाँको सामाजिक–आर्थिक विकासका निम्ति प्राप्त सहयोगप्रति कृतज्ञता व्यक्त गर्नुभयो । समावेशी विकास, राज्यका महत्वपूर्ण अङ्गहरूको सुदृढीकरण, भौतिक पूर्वाधार निर्माण, जलवायु परिवर्तनका प्रभाव र प्राकृतिक विपत्तिविरुद्धका सरकारी प्रयासमा राष्ट्रसङ्घ र त्यससँग सम्बद्ध अन्य संस्थाले गरेको योगदानको उहाँले प्रशंसा पनि गर्नुभयो ।

    “सरकारका प्राथमिकता र आवश्यकताअनुसार सम्बद्ध सरकारी निकायसँगको परामर्शमा सहायता परिचालन गर्न अनुरोध छ”–उहाँले भन्नुभयो ।

    राष्ट्रसङ्का आवासीय समन्वयकर्ता जिम्मी म्याकगोल्डरिकले नेपालको विकास प्रयासमा राष्ट्रसङ्ले सधैँ सघाउने प्रतिबद्धता व्यक्त गर्दै निर्वाचन आचारसंहिता पालना गर्न सम्बद्ध सबै पक्षलाई आग्रह गर्नुभयो ।

    उहाँले निर्वाचनमा धाक, धम्कीजस्ता गैर प्रजातान्त्रिक चरित्र प्रस्तुत हुननहुनेमा जोड दिनुभयो । राजनीतिक दलहरू नेपालमा शान्ति र स्थायित्व कायम गर्न सफल हुनेमा आफू विश्वस्त रहेको पनि उहाँले बताउनुभयो ।

    समारोहमा उहाँले २५ देखि ३५ वर्षसम्म राष्ट्रसङ्मा सेवा गरेका कर्मचारीलाई प्रशंसापत्र प्रदान गर्नुभयो । समारोहमा ‘मेरो सपनाः संविधान’ लघु नाटक पनि प्रस्तुत गरिएको थियो । रासस

भरत पाण्डेय
गुल्मी, १२ कार्तिक । चुनावी अभियानमा लागेको एकीकृत नेकपा माओवादी गुल्मी क्षेत्र नं ३ ले गाउँ गाउँमा चुनावी अभियनलाई तिब्रता दिएको छ । अभियनको क्रममा आज एमाओवादीले अमरपुर गाविसको बुल्म राङ्गदल चौरमा चुनावी सभा सम्पन्न गरेको हा
सभालाई सम्बोधन गर्दै एकीकृत नेकपा माओवादी केन्द्रिय सदस्य तथा गुल्मी क्षेत्र नं ३ का उम्मेदवार बामदेव क्षेत्री आफूले सिमान्तीकृत जनतालाई अधिकार सम्पन्न गराउने गरी सम्पूर्ण नेपालीको समुन्नती गर्न सक्ने नयाँ संविधान बनाउने अभियानमा आफू लागेको बताउनुभयो । उहाँले काँग्रेस एमालेले पुराना गणतन्त्र र संविधानसभाको विरोध गरेकोले उनीहरुले संविधान बनाउन नसक्ने बताउनुभयो ।
कार्यक्रममा माओवादी गुल्मीका नेता बुद्धि जिसीले नेपालीको समुन्नतीको लागि एनेकपा माओवादी संग मात्रै नयाँ खाका रहेकोलेले आफ्नो पार्टिलाई जिताउन जनतासंग अनुरोध गर्नुभएको थियो । पूर्व सभाषद् उमा विक, राज्य समिति सदस्य देविराम अर्याल, वाईसिएल क्षेत्रीय संयोजक राजु विसी, अखिल नेपाल शिक्षक संगठनका केन्द्रिय सदस्य लक्ष्मी खनाल, अनेरास्ववियू क्रान्तिकारीका केन्द्रिय सदस्य प्रकाश अधिकारी, सहिद परीवारका अध्यक्ष घनश्याम पराजुली लगायतले मन्तव्य व्यक्त गर्नुभएको थियो ।
कार्यक्रमा कलाकार तथा गुल्मी काठमाण्डौ जनगणतान्त्रिक मञ्चका उपाध्यक्ष ज्ञानेन्द्र अधिकारी, कलाकारहरु तारा लामिछाने र माधव जोन खत्रीले विभिन्न साँस्कृतिक  प्रस्तुति देखाउनुभएको थियो । कार्यक्रम जिल्ला सदस्य ठाकुर पन्थी राजिवको अध्यक्षतामा भएको कार्यक्रम एकीकृत नेकपा माओवादी मगरात राज्य समिति सदस्य सूर्य बहादुर बुढाले सञ्चालन गर्नुभएको थियो ।

भरत पाण्डेय
गुल्मी १२, कार्तिक । बैद्य समुहको नेकपा–माओवादी अर्खाबाङ्ग गाउँ कमिटिले आफ्नो संगठन भंग भएको घोषणा गरेको छ । सो पार्टिले गाविसमा भएको एकीकृत नेकपा माओवादीको चुनावी जनसभामा बैद्य समूहको संगठन भंग भएको घोषणा गरेको हो ।
कार्यक्रममा बोल्दै पार्टिका गाउँ कमिटि सचिव छवि भट्टराईले बैद्य समूहले पार्टि फूटको औचित्य पुष्टि गर्न नसकेको र चुनावमा एमाले काँग्रेसलाई समर्थन गरेर संविधान नबनाउनेहरुलाई उक्साएकोले संगठन भंग गरीएको बताउनुभयो । उहाँले जनपक्षिय संविधानको लागि र जनताको मुक्तिका लागि हजारौँले बलिदान दिई गणतन्त्र स्थापना गरेकोले यसको विरुद्ध काम गर्नेलाई आफूहरुले समर्थन नगर्ने बताउनुभयो ।  

संगिता कुवँर
कार्तिक १२, गुल्मी । नेपाली कांग्रेस क्षेत्र नम्बर ३ को चुनावी प्रचार प्रसार अभियान अन्तर्गत आज गुल्मीको छापहिले भंगानामा चुनावी सभा सम्पन्न भएको छ । कांग्रेस गाउँ कार्य समितिका सभापति तुल्सी गीरीको सभापतित्व रहेको कार्यक्रममा नेपाली कांग्रेस क्षेत्र नम्बर ३ का प्रत्यक्ष उम्मेदवार त्रैलोक्य प्रताप सेनले सम्बोधन गर्नुभएको थियो ।
कार्यक्रममा क्षेत्रीय सभापति दामोदर भुसाल, महाधिबेशन प्रतिनिधि महेन्द्र भण्डारी, कृष्ण नेपाली, सीता अर्याल, क्षेत्रीय सचिव रेखाकुमार जीसी, दलीत संघ क्षेत्र नम्बर ३ संयोजक टेकबहादुर विक, क्षेत्रीय प्रतिनिधि प्रकाश पोखरेल, कृष्णभन्द्र अर्याल तथा पूर्व पार्टी सभापति र उपसभापतिहरुको विशेष आतिथ्यता रहेको थियो । अनु गीरीको स्वागत मन्तब्य रहेको कार्यक्रममा तरुणदल छापहिले गाउँ कार्य समितिका अध्यक्ष अशोक कुमार जीसीको संचालनमा कार्यक्रम सम्पन्न भएको थियो ।
त्यस्तै अर्जै गाविसको पोखराबारीमा पनि चुनावी सभा सम्पन्न भएको छ । गाउँ समिति सभापति दीपक भण्डारीको अध्यक्षता रहेको कार्यक्रमलाई कांग्रेस क्षेत्र नम्बर ३ का उम्मेदवार त्रैलोक्य प्रताप सेनले सम्बोधन गर्नुभएको थियो । त्यस्तै कार्यक्रममा क्षेत्रीय सभापति दामोदर भुसाल, पूर्व नेविसंघ केन्द्रिय उपाध्यक्ष तथा महाधिबेशन प्रतिनिधि महेन्द्र भण्डारी, नेपाल शिक्षक संघका सभापति प्रेम नारायण भण्डारी, महाधिबेशन प्रतिनिधि कृष्ण नेपाली, क्षेत्रीय सचिव रेखा जिसी, दलित संघ क्षेत्र नम्बर ३ का संयोजक टेकबहादुर विक, भुपाल विष्ट, प्रकाश पाखरेल, तरुणदल ईश्मारजस्थलका सभापति झविन्द्र अर्याल लगायतले मन्तब्य राख्नुभएको थियो । कार्यक्रम महाधिबेशन प्रतिनिधि सीता अर्यालको स्वागत भाषणबाट सुरु भएको कार्यक्रममा तुल्सी पराजुलीको  संचालन रहेको थियो । त्यस्तै आज अर्जैमा घरदैलो कार्यक्रम पनि सम्पन्न भएको छ ।
चुनावी अभियान अन्तर्गत नेपाली कांग्रेस क्षेत्र नम्बर ३ गुल्मीले पुर्कोट दहमा दलित भेला सम्पन्न गरेको छ । आज सम्पन्न भएको भेलाले फुर्सबहादुर परियारको सभापतित्वमा २१ सदस्यीय गाउँ समितिको गठन भएको छ । जसको सह संयोजकमा सुर्य नेपाली, सचिवमा रेशम परियार लगायत अन्इ सदस्यहरु रहनुभएको छ । सोही अवसरमा चुनाव प्रचारका लागि ५१ सदस्यीय चुनाव प्रचार प्रसार समितिको पनि गठन भएको छ । ५१ सदस्यीय चुनाव प्रचार प्रसार समितिको संयोजकमा फुर्सबहादुर नेपाली रहनुभएको छ । कार्यक्रममा दलित संघ गुल्मीका अध्यक्ष झबिन्द्र बिक, नेपाली कांग्रेस महासमिति सदस्य बिष्णु पन्थी, भुपु सैनिक संघका केन्द्रिय सदस्य मनिराम थापा, कांग्रेस पुकोट दह गाउँ समितिका सभापति यमबहादुर कुँवर लगायतको उपस्थिति रहेको थियो ।
यस्तै चुनावी अभियानकै सिलसिलामा नेपाल महिला संघ तम्घास गाउँ समितिको भेला सम्पन्न भएको छ । भेलाले चुनाव प्रचार प्रसारको लागि २ सय १ सदस्यीय प्रचारप्रसार समितिको गठन गरेको छ । तम्घास गाउँ समितिकी सभापति अमृता कुँवरको सभापतित्वमा सम्पन्न भएको कार्यक्रममा नेपाली कांग्रेस संघिय विभागकी केन्द्रिय सदस्य धना भण्डारीको प्रमुख आतिथ्यता रहेको थियो । साथै कार्यक्रममा नेपाली कांग्रेस तम्घास गाउँ समितिका सभापति अखिलेश्वर प्रसाद पाण्डे, नेपाल महिला संघका जिल्ला सदस्यहरु अनिसा केसी, मिना पन्त, गाउँ कार्य समिति सदस्य सीता पाण्डे, पार्वता गौतम, कृष्ण पाण्डे लगायतको आतिथ्यता रहेको थियो । कार्यक्रम अम्बिका श्रेष्ठको संचालनमा सम्पन्न भएको थियो ।

अनिल खत्री
गुल्मी, कार्तिक १२ । नेकपा एमालेका केन्द्रिय प्रचार बिभाग प्रमुख तथा गुल्मी क्षेत्र नं.२ का उमेदवार प्रदीप कुमार ज्ञवालीले मसिंर ४ गते हुने सबिधान सभाको निर्वाचन मुलुकको हार जितको निर्वाचन भएको बताउनु भएको छ । आगामी निर्वाचनमा नेकपा एमालेको बहुमत तथा लोकतन्त्रका पक्षधरहरुको विजयले नै मुलुकले जित्ने भन्दै नेता ज्ञवालीले मसिंर४ गतेको निर्वाचन मुलुकको हार र जितसँग जोडिएको बताउनु भएको छ ।
निर्वाचन प्रचार प्रसार तथा कार्यकर्ता भेटघाटका क्रममा रहनु भएका पुर्व मन्त्री ज्ञवालीले बिरवास गाविसले आयोजना गरेको कार्यकर्ता भेटघाट तथा चुनावी सभामा यस्तो बताउनु भएको हो । साथै उहाँले नेकपा एमालेको बहुमत जुटेमा मात्र संबिधान निमार्ण हुने नभएर मुलुक फेरी पनि भुमरिमा फस्ने पनि बताउनुभएको छ ।
नेकपा एमाले गुल्मी क्षेत्र नम्बर २ ले चुनावी अभियानलाई तिब्र पारेको छ । मसिंर ४ गते नजिकिँदै जादँ गुल्मी क्षेत्र नम्बर २ निर्वाचन परिचालन कमिटीले चुनावी प्रचार प्रसार कार्यक्रमलाई तिब्र पारेको हो । क्षेत्र नम्बर २ ले आज विरवास गाविसमा चुनावी सभा तथा कार्यकर्ता भेटघाट कार्यक्रम गर्नुका साथै घरदैलो कार्यक्रम समेत सम्पन्न गरेको छ । नेकपा एमाले गुल्मी क्षेत्र नम्बर २ का प्रत्यक्ष उम्मेदवार प्रदीप ज्ञवालीको प्रमुख आथित्यतामा बिरवास गाविसका बिभिन्न वडाहरुमा भएको चुनावी प्रचार प्रसार कार्यक्रममा समानुपातिक उम्मेदवार जगं नेपाली, दिलशोभा पुन खड्का जिल्ला उपाध्यक्ष मधुकृष्ण पन्थ, सचिवालय सदस्य कृष्ण सुनार जिल्ला सदस्य अशोक श्रेष्ठ अनेरास्ववीयु जिल्ला कमिटी सचिव राजेन्द्र बिक्रम कुवँर लगायतको उपस्थिती रहेको थियो । 

अनिल खत्री
गुल्मी, कार्तिक १२ । नेकपा एमाले नेतृ एंव गुल्मी क्षेत्र नंम्बर १ कि संविधान सभा उम्मेदवार मैना भण्डारीले महिलाको उपस्थिती बिना बन्ने संबिधान अधुरो हुने भएकाले संबिधानमा महिलाको हक अधिकार सुनिश्चिताको लागी महिलाको आबश्यकता अपरिहार्य रहेको बताउनु भएको छ । नेकपा एमाले क्षेत्र नं. १ ले संञ्चालन गरेको चुनावी प्रचार प्रसार घरदैलो अभियान अन्तर्गत आज गुल्मीको ग्वाघामा भएको अन्तरक्रिया कार्याक्रममा यस्तो कुरा बताउनु भएको छ । आफु नेकपा एमालेको तर्फबाट लुम्विनी अञ्चलमै एक महिला उमेदवार रहेकोले संबिधानमा महिलाको हक अधिकारको सुनिश्चिताको लागी आफनो बिशेष जिम्मेवारी रहने भण्डारीले गुल्मीन्युज डट कमलाई बताउनुभएको छ । त्यस्तै कार्यक्रममा बोल्दै समानुपातिक उम्मेदवार तथा जिल्ला कमिटी गुल्मीका उपसचिव वालसिंह काउछाले एमाले जनजाती, महिला, पिडीत, बिपन्न लगायत सबै क्षेत्रको प्रतिनिधित्व गरेकाले पनि आगामी संबिधान सभाको निर्वाचनमा एमालेको बहुमत जुट्ने बताउनुभएको छ ।
नेकपा एमाले क्षेत्र नं. १ ले संञ्चालन गरेको चुनावी प्रचार प्रसार घरदैलो अभियान अन्तर्गत आज हरेवाको बिभिन्न स्थानमा भएको कार्यक्रममा नेकपा एमाले क्षेत्र नं. १ की संबिधान सभा निर्वाचन सदस्य उम्मेदवार मैना भण्डारी, जिल्ला कमिटी गुल्मीका उपसचिव निर्वाचन क्षेत्र नं.१ का इन्चार्ज तथा समानुपातिक उमेदवार बालसिंह काउछा, क्षेत्र नं.१ निर्वाचन परिचालन समिती संयोजक जिवन खरेल, जिल्ला कमिटी गुल्मीका सदस्य चेतन वस्नेत, जिल्ला कमिटी गुल्मीका पुर्व सदस्य गिरीराज शर्मा, क्षेत्रिय कमिटी अध्यक्ष लोक बहादुर राना, उपाध्यक्ष खिमानन्द तिवारी, सदस्य कमला शर्मा ग्वाघा गाउँ कमिटी अध्यक्ष टेक बहादुर पुन लगायतको सहभागितामा कार्यक्रम सम्पन्न भएको नेकपा एमाले क्षेत्र नं. १ गुल्मीले जनाएको छ ।

प्रेम सुनार
कार्तिक ११, गुल्मी । एकिकृत नेकपा माओवादी गुल्मी २ नम्वर क्षेत्रिय चुनाव परिचालन समितिले आज वाईसीयल गाउँ कमिटी गठन गरेको छ । आज सो गाविसको हर्पुकोटमा वसेको युवाहरुको भेलाले पदम थापाको अध्यक्षतामा १ सय १ सदस्यीय वाईसियल गाउँ कमिटी गठन गरेको हो । कमिटीको उपाध्यक्षद्धयमा दिपक बोहरा र बुद्धि राना रहेका छन् । सचिवमा विष्णु खत्री, सह–सचिव राजन नेपाली, कोषाध्यक्ष एमन बि.क लगायत रहेको बताईएको छ । भेला ११ नम्वर ईलाका संयोजक भुपाल पोखरेलको प्रमुख आतित्यता रहेको थियो । कार्यक्रममा एकिकृत नेकपा माओवादी हस्तीचौरका अध्यक्ष रामकुमार विष्टले पनि प्रशिक्षण मन्तब्य दिएका थिए । दिपक बोहराको अध्यक्षतामा सम्पन्न कार्यक्रममा ज्ञानबहादुर बि.कको सञ्चालन रहेको थियो ।

संगिता कुवँर
कार्तिक १२, गुल्मी । दलित महिला संघ गुल्मीको आयोजनामा सदरमुकाम तम्घासमा तिनदिने मतदाता शिक्षा तालिम सुरुभएको छ । तालिमको उदघाटन गर्दै सहायक प्रमुख जिल्ला अधिकारी गौरव पन्थीले अझै पनि अधिकाशं दलित महिला मतदातामा आफनो मत अधिकारको बारेमा थाहा नभएकोले अब अरुको करमा मतदान गर्ने गरेको ले आसन्न चुनावमा आफनो मत अधिकारको सहि सदुपयोग गर्न अनुरोध समेत गर्नुभयो । तालिममा जिल्ला बिकास समितिका शाखा अधिकृत बाबुराम पल्ली, प्रहरी निरीक्षक निसान्त श्रीबास्तव, जिल्ला बाल कल्याण अधिकृत झबिन्द्र गैरे,उद्योग बाणिज्य संघका अध्यक्ष अखिलेश्वर प्रसाद पाण्डे, पत्रकार महासंघका अध्यक्ष घनश्याम गौतम, महिला मानब अधिकार रक्षक सञ्जालका जिल्ला उपाध्यक्ष जानकी ज्ञवाली लगाएतको उपस्थीती रहेको थियो ।तालिमको उदघाटनकार्यक्रम दलित महिला संघका जिल्ला अध्यक्ष कमला बरालको अध्यक्षता सचिव जमुना श्रीपालीको स्वागत मन्व्य एबम ममता चुदाँराको सञ्चालनमा सम्पन्न भएको थियो ।१४ गते सम्म सञ्चालन हुने तालिममा जिल्लाका २० दलित महिलाको सहभागीता रहेको छ ।

राम सुवेदी
बागलुङ, कार्तिक १२ । बागलुङमा बहुउद्धेश्यीय सहकारी संस्थाको साधारणसभा सम्पन्न भएको छ । उक्त अवसरमा डिभिजन सहकारीका प्रमुख विष्णुप्रसाद सुवेदीले सहकारीलाई गलत तरिकाबाट प्रयोग गर्नेहरुको बाहुल्यता बढिरहेको समयमा सचेत भएर सहकारीका गतिविधिहरु सञ्चालन गर्न सहकारीकर्मीहरुलाई आग्रह गर्नु भएको छ ।
बहुद्देश्यीय सहकारी संघ बागलुङको प्रारम्भिक साधारण सभाको उद्घाटनपछि बोल्दै उहाले यस्तो बताउनु भएको हो ।
कार्यक्रममा जिल्ला सहकारी संघका अध्यक्ष रामबहादुर जिसी, उपाध्यक्ष अशोक गाविन्द राजभण्डारी, नेपाल पत्रकार महासंघका कोषाध्यक्ष कोपिला कडेल, लगाएतले बोल्नुभएको थियो ।
साधारणसभामा बहुद्देश्यीय सहकारी संघका अध्यक्ष हुमाकुमारी जिसी अञ्जुले प्रगति प्रतिवेदन र एक लाख आठ हजार बराबरको आर्थिक प्रतिबेदन प्रस्तुत गर्नुभएको थियो ।
लेखा समितिका संयोजक हुम बहादुर थापाले स्वागत गरेकोे कार्यक्रमको संञ्चालन लेखा सदस्य ताराप्रसाद शर्माले गर्नुभएको थियो ।
साधारण सभाले हुमाकुमारी जिसी (अञ्जु)को अध्यक्षतामा ११ सदस्यीय सञ्चालक समिति सर्वसम्मत चयन गरेको छ । समितिको उपाध्यक्षमा दुर्गा कुँवर, सचिव रुद्रबहादुर केसी, सह–सचिव चुणमणी आचार्य, कोषाध्यक्ष राजु केसी, र सदस्यहरुमा राजकुमार श्रेष्ठ, मिनबहादुर श्रीस, कृष्णप्रसाद पौडेल (कुमार), गुणराज पौडेल, सुरेशप्रसाद श्रेष्ठ र गंगाबहादुर हमाल रहनु भएको छ ।
साधारणसभाले लेखा समितिको संयोजकमा हुमबहादुर थापा, सदस्यहरुमा ताराप्रसाद शर्मा र डिल्लीप्रसाद शर्मा तथा सल्लाहकारमा अशोक गोविन्द राजभण्डारी र दिपेन्द्र बाँस्कोटालाई चयन गरेको छ ।

कार्तिक–११, गुल्मी । नेपाली कांग्रेस निकट नेपाल शिक्षक संघका ईलाका सह–सचिव कर्णबहादुर पालुङ्गे सहित खर्ज्याङ वडा नम्वर १ र २ का १ सय २५ जना आज एकिकृत नेकपा माओवादीमा प्रवेश गरेको सो पार्टीले जनाएको छ ।

एमाओवादी २ नम्वर क्षेत्रका उमेदवार अशोक थापाद्धरा आयोजित चुनावी सभामा उनिहरु प्रवेश गरेको स्थानिय समचार सहयोगी कमल पाण्डेले जानकारी गराए । अधिकांस कुमाल समुदाय र दलितहरुको बसोबास रहेको उक्त स्थानबाट एमाओबादीमा प्रवेश गर्नेहरुमा नेपाली कांग्रेसका पुर्व वडा अध्यक्ष घनबहादुर कुमाल र तिलबहादुर विक लगायत अधिकांस काग्रेस कार्यकर्ता रहेको बताईएको छ ।

बागलुङ, कात्तिक ११ । राष्ट्रिय जनमोर्चाका २७ जना कार्यकर्ताको आक्रमणबाट बागलुङ धुल्लुबास्कोटमा एमालेका पाँच कार्यकर्ता घाईते भएका छन् ।
राङ्खानीबाट गएका सुनिल छन्त्याल, कुमार थापा, जनक श्रीस लगायतको समूहमा रहेका राजमो कार्यकर्ताको आक्रमणबाट आईतबार राति एमाले जिल्ला सदस्य बालिका केसी सहित पाँच जना घाईते भएको एमाले बागलुङले जनाएको छ ।

एमालेले सोमबार पत्रकार सम्मेलन गरी राति घरमा सुतिरहेको अवस्थामा राष्ट्रिय जनमोर्चाका कार्यकर्ताले जिल्ला सदस्य केसीको घरमा तोडफोड गर्नुका साथै उहाँका ७० वर्षिया आमा पार्वती जैसी, दाजु पूर्ण केसी, उनका १५ बर्षिय छोरा जीवन केसी र ३५ बर्षिया माया केसीलाई आक्रमण गरेको बताएको छ । घाइते मध्ये ७० बर्षिय जैसी र १५ बर्षिय बालक जीवनलाई थप उपचारका लागी बागलुङ ल्याइदैछ भने अन्य ३ जनाको स्थानीय बरेङ स्वास्थ्य चौकीमा उपचार भइरहेको एमालेले जनाएको छ ।

राजमो बैचारिक बहस छाडेर आक्रमणमा उत्रिएको छ, ‘एमाले जिल्ला अध्यक्ष श्रीप्रसाद शर्माले भने जनताबाट अनुमोदित हुनका लागी एमाले संयमित छ तर यसलाई कमजोरी सम्झिए जनमोर्चाले ठुलो मुल्य चुकाउनु पर्छ । आक्रमणमा सम्लग्न भएकाहरुलाई पक्राउ गरी कारबाही गर्न माग गर्दै राज्यका निकायहरुलाई मुकदर्शक बनेर नबस्न पनि अध्यक्ष शर्माले आग्रह समेत गरे ।

एमाले निर्वाचन परिचालन कमिटि निर्वाचन क्षेत्र नम्बर २ ले पार्टीका केन्द्रिय अध्यक्ष चित्रबहादुर केसी, सचिव कृष्ण अधिकारी लगायतका नेताको प्रशिक्षण र निर्देशनमा आक्रमण भएको विज्ञप्तीमा आरोप लगाएको छ ।

तर राष्ट्रिय जनमोर्चाका सचिव कृष्ण अधिकारीले एमाले कार्यकर्ताले रातको समयमा माईकबाट आफ्नो पार्टीका बारेमा गलत प्रचार गरेका कारण त्यसो नगर्न आग्रह गर्दा सामान्य भनाभन मात्र भएको दाबी गरे । समान्य घटनालाई राजनितिक रङ दिन खोजिएको भन्दै अधिकारीले आफुहरुको कुटपिट गर्ने र धाक धम्की दिने कुनै नीति नरहेको बताए ।

यसैबीच, एमालेले आजै बरेङ बजारमै बिरोध सभा सम्पन्न गरेको छ । सभालाई सम्बोधन गर्दै क्षेत्र नम्बर २ का उम्मेदवार डा सूर्य पाठकले २१ औ शताव्दी र बिज्ञान प्रविधिको जमानामा पनि बाहुबल प्रयोग गर्न खोज्नु दुःखद भएको भन्दै बैचारिक हिसावले बहसमा आउन राष्ट्रिय जनमोर्चालाई आग्रह गरे । -धौलाश्रीबाट

कार्यक्रममा घाइते तथा जिल्ला सदस्य बालिका केसी र बागलुङ–काठमाडौ सम्र्पक कमिटीका सचिवालय सदस्य पदम गिरीले बोलेका थिए । कार्यक्रम प्रेम पौडेलको अध्यक्षता र बिक्रम क्षत्रीको सञ्चालनमा सम्पन्न भएको थियो ।

सन्तोष गौतम
म्याग्दी, कात्तिक ११ । चुनाव प्रचारका क्रममा प्रतिस्पर्धी दलहरुबीच कुटपिट र झडपका घटना भएका समाचारहरु सार्वजनीक भइरहेका बेला म्याग्दीमा भने सोमबार दुई वटा दलले एकै मञ्च प्रयोग गरेर चुनावी सभा सम्पन्न गरेका छन् ।

म्याग्दीको निस्कोटमा नेपाली काँग्रेस र नेकपा एमालेले सोमबार एकै मञ्च प्रयोग गरेर चुनाव प्रसार सभा सम्पन्न गरेका हुन् । दिउँसो १ बजेदेखि सुरु भएको एमालेको आमसभा सम्पन्न भएपछि नेपाली काँग्रेसले पनि सोही मञ्चमा कार्यक्रम गरेको नेकपा एमालेका एरिया ईञ्चार्ज मोतीराज गौतमले बताए ।

‘दिउँसो हाम्रो कार्यक्रम सम्पन्न भयो र त्यसपछि नेपाली काँग्रेसको टोलीले सोही मञ्चमा कार्यक्रम गर्नुभयो’ गौतमले भने ‘सबै गाउँलेहरुले हाम्रा र काँग्रेसका उमेद्वार लगायत नेताहरुको बिचार सुन्नुभयो । कार्यक्रम सौहार्दपुर्वक रुपमा सम्पन्न भएको छ ।’ प्रतिस्पर्धी दलहरुबीच चुनावी कार्यतालीका जुधेपछि पालैपालो आमसभा सम्पन्न गर्ने सहमति गरिएको थियो ।

प्रतिस्पर्धी उमेद्वारहरुले पालैपालो एउटै मञ्चबाट चुनाव प्रचार गर्नुलाई उदाहरणीय भएको नेताहरुको भनाई छ । चुनावी सभालाई सम्वोधन गर्दै काँग्रेसका उमेद्वार खम्बीर गर्बुजाले ७ वटा प्रदेश वनाउने, सवैको पहिचान हुने, संविधान सुनिश्चित गर्ने, देशमा शान्ति सुरक्षा र सम्वृद्धिका लागि सवैलाई समेटेर अगाडी वढ्ने र ७५ जिल्लाको भौगोलिका सिमाङ्कन नटुक्रिने गरी संघीय राज्यको गरिने बताएका थिए ।

त्यसैगरी नेपाली काँग्रेस म्याग्दीका सचिव मीनवहादुर कार्कीले म्याग्दीमा काँग्रेस विजयी हुने दावी गरे । यस्तै निस्कोटमा भएको कार्यक्रममा बोल्दै नेकपा एमालेका उमेद्वार नवराज शर्माले संबिधान निर्माणमा जिल्लाको प्रतिनिधीको रुपमा इमानदार भएर खटिने, म्याग्दीको विकासका लागि सिंहदरवार जिल्लाको पुलको रुपमा काम गर्ने प्रतिवद्धता जनाएका थिए ।

उहाँले आफूले जिविस सभापति हुँदा सुरु गरेका योजनालाई पुर्णता दिनका साथै एमालेको सन्तुलित भुमिका र निति अनुसार संबिधान निर्माण गर्न आफूलार्य मतदान गर्न आग्रह गरे । यसैगरी एमाले म्याग्दीका अध्यक्ष हरिकृष्ण श्रेष्ठले देश एमालेको निति अनुसार चलेकाले नयाँ संबिधान निर्माण गर्न पनि एमालेकै नेतृत्व आवश्यक रहेकाले एमालेको जित आवश्यक रहेको बताए ।

र्लिन, (एजेनसी) जर्मनीले आफ्नो नेता एन्जेला मर्केलमाथि अमेरिकाले गरेको जासुसी सम्बन्धमा अनुसन्धान गर्न आफ्नो वरिष्ठ गुप्तचर प्रमुखहरूलाई अमेरिकामा पठाउने निर्णय शनिबार गरेको छ। जर्मनी सरकारका प्रवक्ताले विदेशी तथा आन्तरिक गुप्तचर विभागका प्रमुखहरूले त्यहाँ राष्ट्रपति भवन ह्वाइट हाउस र अमेरिकी राष्ट्रिय सुरक्षा निकाय (एनएसए) सँग वार्ता गर्ने बताएका छन्।

यसअघि नै फ्रान्स र जर्मनीले यसै वर्षको अन्त्यसम्ममा अमेरिकाले जासुसी नगर्ने सम्झौतापत्रमा हस्ताक्षर गर्नुपर्ने माग राखिसकेका छन्। अमेरिकाको बलियो गठबन्धन मानिने युरोपेली संघले पनि आपसी विश्वासको अभावमा आतंकवाद विरुद्धको विश्वव्यापी लडाइँ प्रभावित हुनसक्ने चेतावनी दिइसकेको छ। मर्केलको टेलिफोन वार्ता सँगसँगै एनएसएले फ्रान्स र जर्मनीका लाखौं जनताको टेलिफोन, इमेल, टेक्स्ट मेसेज र इन्टरनेट ब्राउजिङको पनि जासुसी गर्ने गरेको खुलासा भइसकेको छ।

शुक्रबार स्पेनले पनि म्याड्रिडस्थित अमेरिकी राजदूतलाई बोलाएर आफ्नो देशको गतिविधिमाथि भइरहेको जासुसीका सार्वजनिक भएको प्रतिवेदनबारे खुलस्त पार्न आग्रह गरेको थियो। यसैबीच इटालीले पनि आफूमाथि पनि अमेरिकाद्वारा जासुसी भइरहेको सम्बन्धमा आक्रोश व्यक्त गरेको छ। तर अमेरिकी विदेश विभागका प्रवक्ता जेन साकीले अमेरिकी सुरक्षासम्बन्धी संवेदनशील र महत्त्वपूर्ण सूचनाहरू चुहावट गर्ने अमेरिकी गुप्तचर विभागकै पूर्वकर्मचारी एडवर्ड स्नोडेनको स्रोतका कारण आफ्ना गठबन्धन राष्ट्रहरूसँग अमेरिकाको केहीबेरका लागि तनाव सिर्जना भएको स्पष्टीकरण दिएकी छिन्।

उनले ती मुलुकसँग छलफल भइरहेको र त्यो जारी रहने तथा यसले वैदेशिक नीतिमा कसरी प्रभावित पार्यो भन्ने थाहा पाउन राष्ट्रपति बाराक ओबामाको आग्रहबमोजिम अमेरिकी गुप्तचर बैठकको पुनरवलोकन हुने बताएकी छिन्। स्नोडेन अहिले राजनीतिक शरण लिएर रसियामा बस्दै आएका छन्। शुक्रबार एनएसएको आफ्नै वेवसाइट घन्टौंसम्म अवरुद्ध भएपछि विभिन्न ह्याकिङ समूहले त्यसको जिम्मेवारी दाबी गरेका थिए। तर पछि आएर नियमित अपडेटकै क्रममा भएको आन्तरिक त्रुटीका कारण सो समस्या देखिएको एनएसएका प्रवक्ता भानी भाइन्सले जनाएकी थिइन्।

मनमोहनलाई हाइसन्चो

भारतको प्रधानमन्त्री कार्यालयले ८१ वर्षीय भारतीय प्रधानमन्त्री मनमोहन सिंहको आफ्नै निजी मोबाइल फोन र इमेल आइडी नभएकाले हाल अमेरिकी जासुसीको कारण अन्तर्राष्ट्रिय क्षेत्रमा देखा परेको तनाव र चिन्तासँग कुनै सरोकार नरहेको जनाएको दि गार्जियन अखबारले शुक्रबार सार्वजनिक गरेको छ। ह्वाइट हाउस, अमेरिकी रक्षा मन्त्रालय (पेन्टागन) र विदेश विभागका अधिकारीहरूले टेलिफोन नम्बर उपलब्ध गराएपछि एनएसएले विश्वका ३५ जना शीर्ष नेताको फोनवार्तामाथि जासुसी गरेको बताइएको छ।